އިސްރާއީލުން ހައްޔަރުކޮށްފައިވާ ފަލަސްތީނުގެ ޞިއްޙީ ޚިދުމަތްތެރިން، "ވަގުތުން އަދި އެއްވެސް ޝަރުތެއްނެތި" ދޫކޮށްލުމަށް އެމްނެސްޓީ އިންޓަރނޭޝަލް އިން ގޮވާލަފިއެވެ.
އެމްނެސްޓީގެ ބަޔާނުގައި ދާދި ފަހުން އިސްރާއީލުން ހައްޔަރު ކުރި ކަމާލް އަދްވާން ހޮސްޕިޓަލްގެ ޑިރެކްޓަރު، ޑރ. ހުސާމް އަބޫ ސަފިއްޔާ ވަގުތުން ދޫކޮށްލުމަށް ވަނީ ބާރު އަޅާ ގޮވާލާފައެވެ.
އެމްނެސްޓީ އިންޓަނޭޝަނަލްއިން ހޯމަ ދުވަހު ނެރުނު ބަޔާނެއްގައި ބުނެފައިވަނީ، އުތުރު ޣައްޒާގައި ހުންނަ ކަމާލް އަދްވާން ހޮސްޕިޓަލްގެ ޑިރެކްޓަރު، ހުސާމް އަބޫ ސަފިއްޔާގެ ހާލަތާ މެދު އެ ޖަމްޢިއްޔާއިން ވަރަށް ބޮޑަށް ކަންބޮޑުވާ ކަމަށާއި، އޭނާ އެއްވެސް ޝަރުތެއްނެތި ވަގުތުން ދޫކޮށްލުމަށް ގޮވާލާ ކަމަށެވެ.
ކަމާލް އަދުވާން ހޮސްޕިޓަލުގެ ޑިރެކްޓަރ ހައްޔަރުކުރީ ހުކުރު ދުވަހު އިސްރާއީލުގެ ބާރުތަކުން ހޮސްޕިޓަލަށް ވަދެ ހޮސްޕިޓަލުގައި ހުޅުޖެހުމަށްފަހުގައެވެ.
އެ ޖަމްޢިއްޔާގެ ބަޔާނުގައި، އިސްރާއީލުން އަނިޔާވެރިކަމާއެކު ހައްޔަރުކޮށްފައިވާ ފަލަސްޠީނުގެ ރައްޔިތުން، ޚާއްޞަކޮށް ޞިއްޙީ ޚިދުމަތްތެރިން ވަގުތުން ދޫކޮށްލަންޖެހޭ ކަމަށާއި، ޣައްޒާގައި އިސްރާއީލުން ހިންގަމުންދާ ނަސްލު ފުހެލުމުގެ ޖަރީމާ ވަގުތުން ހުއްޓުވުމަށް ބައިނަލްއަޤްވާމީ މުޖުތަމަޢުން އަވަސް ފިޔަވަޅު އަޅަންޖެހޭކަން ވަނީ ފާހަގަކޮށްފައެވެ.
އިސްރާއީލުން ޣައްޒާ ގައި ހިންގަމުންދާ އަނިޔާވެރި ހަނގުރާމަ އަށް އަހަރަކަށް ވުރެ ގިނަ ދުވަސްވެފައިވާއިރު އިސްރާއީލުގެ ހަމަލާތަކުގައި ފާއިތުވި 24 ގަޑިއިރުގެ ތެރޭގައި 27 ފަލަސްޠީނު މީހުން ޝަހީދުވެ، 149 މީހުން ޒަޚަމްވެފައިވާ ކަމަށް ޣައްޒާގެ ޞިއްޙަތާ ބެހޭ މިނިސްޓްރީން ބުނެފައިވެއެވެ.
އަނެއްކޮޅުން ޣައްޒާ އަށް ފިނި މޫސުން ކުރިމަތިވެފައިވާ އިރު، ފިނީގެ ސަބަބުން ޚާއްސަ ކޮށް ކުޑަކުދިންގެ ފުރާނަ އަށް އަންނަނީ ނުރައްކާ ވަމުންނެވެ. ރިޕޯޓުތައް ބުނާ ގޮތުގައި ޣައްޒާގެ އަލް-އަޤްޞާ ޝަހީދުންގެ ހޮސްޕިޓަލުގައި ފިނީގެ ސަބަބުން އުމުރުން އެއް މަސް ދުވަސްވީ ތުއްތު ކުއްޖަކު ވަނީ މަރުވެފައެވެ. ތުއްތު ކުއްޖާގެ އެއްބަނޑު އެއްބަފާ ބޭބޭ އޭގެ އެއް ދުވަސް ކުރިން ހަމަ އެ ސަބަބަށްޓަކައި ވަނީ މަރުވެފައެވެ.
އިސްރާއީލުން ޣައްޒާ ގައި ކުރަމުންދާ ހަނގުރާމައިގައި 7 އޮކްޓޯބަރު 2023 އިން ފެށިގެން މަދުވެގެން 45,541 ފަލަސްތީން މީހުން ޝަހީދުވެފައިވާ އިރު އިސްރާއީލުގެ ހަމަލާތަކުގައި، 108,338 މީހުން ޒަޚަމްވެފައިވެއެވެ. އެ ދުވަހު ޙަމާސްގެޤިޔާދަތުގެ ދަށުން
