ޕީޕީއެމްގެ ރިޔާސީ ކެނޑިޑޭޓަކަށް ރައްޔިތުންގެ މަޖިލީހުގެ ކުރީގެ ރައީސް އަބްދުﷲ މަސީހު މުހައްމަދު އަދި ރަނިންގމޭޓަކަށް ކުރީގެ ޓޫރިޒަމް މިނިސްޓަރު މޫސާ ޒަމީރު އައްޔަނުކޮށްފިއެވެ.
އެކަން އިތުބާރު ހުރި މަސްދަރަކުން ވަނީ ރާއްޖެއެމްވީއަށް ކަށަވަރު ކޮށްދެއްވާފައެވެ.
ޕީޕީއެމްގެ ސިޔާސީ ޙަރަކާތްތަކުގައި އެންމެ އިސްކޮށް އުޅުއްވާ އަދި މުޒާހަރާތަކުގެ ކުރީ ސަފުގައި ފެންނަ ފަރާތްތައްވެސް ތިއްބަވަނިކޮށް، ކުއްލިއަކަށް ޕީޕީއެމްއިން މިފަދަ ނިންމުމެއް ނިންމުމުން އެ ޕާޓީގެ ތެރޭގައި ވަނީ ނުތަނަވަސްކަން އުފެދިފައެވެ.
ޕީޕީއެމް އިން ވަނީ މިކަން ދޮގުކޮށްފައެވެ. އެގޮތުން ޕީޕީއެމް އިން ބުނީ އެ ޕާޓީގެ ރިޔާސީ ކެންޑިޑޭޓަކީ ރައީސް ޔާމީން ކަމަށެވެ.
ޕީޕީއެމްގެ ރިޔާސީ ކެންޑިޑޭޓްގެ ރަނިންގމޭޓަކަށް މިވަގުތު ވަކި ބޭފުޅަކު ކަނޑައެޅިފައިނުވާކަމަށް ވެސް ޕީޕީއެމްއިން ބުނެއެވެ.
2023ގެ ރިޔާސީ އިންތިޚާބުގައި ވާދަކުރެއްވުމަށް ކުރީގެ ރައީސް އަބްދުﷲ ޔާމީންގެ ކެންޑިޑަސީ ފޯމްގައި, ކަރެކްޝަނަލް ސަރވިސްގެ އެހީތެރިކަމާއެކު ސޮއިކުރެއްވުމަށްފަހު އެ ފޯމް އަނބުރާ ޕީޕީއެމްއާ ހަވާލުކުރައްވާފައިވާކަމަށް އެ ޕާޓީން ބުނެއެވެ.
