ނިއުޒީލޭންޑް އަތުން ޕާކިސްތާން މޮޅުވި ކްރިކެޓު މެޗުގައި އެ ގައުމުގެ ތަޖުރިބާކާރު ބެޓްސްމަން ފަހުރުއްޒަމާން ވިދާލައިފި އެވެ.
ހަތް ވިކެޓުން ޕާކިސްތާން މޮޅުވި މެޗުގައި އޭނާ ވަނީ މި މެޗުގައި 17 ފަހަރު ހަތަރަކަށް ބޯޅަ ޖަހައިފަ އެވެ. އަދި ހަ ފަހަރު ހަޔަކަށް ޖަހާފައިވެ އެވެ. އޭނާ ވަނީ މެޗުގައި ނުބައިނުވެ 180 ލަނޑު ހަދައިފަ އެވެ.
މި މެޗުގައި 50 އޯވަރުގެ ތެރޭގައި ނިއުޒީލޭންޑަށް ހެދުނީ ފަސް ވިކެޓަށް 336 ލަނޑެވެ. ޕާކިސްތާން މޮޅުވީ 48 އޯވަރުގެ ތެރޭގައި ތިން މީހުން ނުބައިވެގެން 337 ލަނޑު ހަދައިގެންނެވެ. މީގެ ތެރެއިން 180 ލަނޑު ފަހުރުއްޒަމާން ހެދުމުން އޭނާއާ މެދު ކުރިއަށް އޮތް ވޯލްޑްކަޕުގައި ޕާކިސްތާން ކުރާ އުއްމީދުތައް ވަނީ އިތުރުވެފަ އެވެ.
337 ލަނޑަކީ ޕާކިސްތާނުގެ އެއް ދުވަހުގެ މެޗުތަކުގައި ދެ ވަނަ އަށް އެންމެ މަތީ ސްކޯ އެވެ. މިހެންވެ ކެޕްޓަން ބަބަރު އަޒަމް ބުނީ މިއީ ޕާކިސްތާނަށް ކުރެވިދާނެ ކަމެއްކަން އަބަދުވެސް ކުޅުންތެރިން ގަބޫލުކުރި ކަމަށެވެ.
ފަހުރުއާ މެދު އަހަރުމެން އެންމެންވެސް ފަހުރުވެރިވާންޖެހޭ. އޭނާ އެދެއްކި ކުޅުމުން ބުނެދެނީ އޭނާ އަކީ ކިހާ މޮޅު މީހެއްކަން. އޭނާގެ އެންމެ މޮޅު އެއް މެޗު ނިމިގެން މިދިޔައީ. އޭނާގެ ކުޅުމުގެ ސަބަބުން އަހަރުމެން އެންމެންވެސް ތިބީ އުފާވެފައިކެޕްޓަން ބަބަރު އަޒަމް
ފަހުރުއްޒަމާން ބުނީ އޭނާ އަށް މޮޅަށް ކުޅުވުނު އެއް ސަބަބަކީ ބެޓިން ޕާޓްނަރު މުހައްމަދު ރިޒްވާން ކަމަށެވެ.
އަހަރެންގެ ނަސީބު ވެސް ރަނގަޅީ. ދެން ވަރަށް ފަސޭހަ ރިޒްވާންއާއެކު ކުޅެން. އޭނާ އަހަރެންނަށް ކަންކަން ފަސޭހަކޮށްދޭ. މުޅި ޓީމަށް ބަލާއިރު އަހަރުމެންނަށް އަދިވެސް މިއަށްވުރެ ރަނގަޅަށް ކުޅެވިދާނެފަހުރުއްޒަމާން
