އަންހެން ސާފް ޗެމްޕިއަންޝިޕްގެ ފަހު މެޗުގައި ޕާކިސްތާނު އަތުން ވެސް ރާއްޖޭގެ އަންހެން ފުޓުބޯޅަ ޓީމު ބަލިވެއްޖެއެވެ.
ޕާކިސްތާނު އަތުން ރާއްޖެ ބަލިވީ 7-0 އިންނެވެ. މިއާއެކު ރާއްޖެއިން މުބާރާތް ނިންމާލަން ޖެހުނީ މޮޅެއް ނުލިބިއެވެ. މުބާރާތުގެ ފުރަތަމަ މެޗުގައި ބަންގްލަދޭޝް އަތުން ރާއްޖެ ބަލިވީ 3-0 އިންނެވެ. ދެވަނަ މެޗުގައި އިންޑިއާ އަތުން ބަލިވީ 9-0 އިންނެވެ.
ރާއްޖެއާ ދެކޮޅަށް ކުޅުނު މެޗުގައި ޕާކިސްތާނުގެ ލަނޑުތައް ޖެހީ ނާދިއާ ޚާން، ރަމީން ފަރީދު، ޚަދީޖާ ކަމްޒީ އަދި އަންމޯލް ހީރާއެވެ. މީގެ ތެރެއިން ނާދިއާ ވަނީ ހަތަރު ލަނޑު ޖަހާފައެވެ. ދެން ކޮންމެ ކުޅުންތެރިޔަކު ވަނީ އެއް ލަނޑު ޖަހާފައެވެ.
އަންހެން ސާފް ޗެމްޕިއަންޝިޕް ރާއްޖެއިން ނިންމާލަން ޖެހުނީ ލަނޑެއް ނުޖެހިއެވެ. މުބާރާތުގައި ރާއްޖެ ކޮޅަށް ވަނީ 19 ލަނޑު ވަދެފައެވެ.
ރާއްޖެ ހިމެނުނު ގްރޫޕްގެ އެއްވަނަ ލިބުނީ ބަންގްލަދޭޝް އަށެވެ. ދެވަނަ އިންޑިއާއަށް ލިބުނުއިރު، ތިންވަނަ ލިބުނީ ޕާކިސްތާނަށެވެ. ސެމީ ފައިނަލްގައި ބަންގްލަދޭޝް ނިކުންނާނީ ގްރޫޕް ބީގެ ދެވަނަ ބޫޓާނާ ދެކޮޅަށެވެ. އިންޑިއާ ނުކުންނާނީ އެ ގްރޫޕްގެ އެއްވަނަ ނޭޕާލާ ދެކޮޅަށެވެ.
