ތިލަމާލެ ބްރިޖު އެޅުމަށް ސާވޭ ކުރުމުގެ މަސައްކަތަށް ބޭނުން ކުރަމުން އައި ޕްލެޓްފޯމް އެއް ފަރަށް އަރައިފިއެވެ.
އެ ޕްލެޓްފޯމް ފަރަށް އަރާފައި ވަނީ ވިލިގިލީ ބޭރު ސަރަހައްދަށެވެ. މި ހާދިސާގައި އެ ޕްލެޓްފޯމް ފަރަށް އެރިކަމުގެ މައުލޫމާތު ފުލުހުންނަށް ފާހަގަކުރެވިފައި ވަނީ 14:25 އެހާއިރު ކަމަށް ފުލުހުން ވަނީ ބުނެފައެވެ. އެ ހިސާބުން ވިލިގިލީ ފުލުހުން މި މައްސަލަ އަށް އެޓެންޑްވެފައިވާ ކަމަށް ފުލުހުން ބުނެއެވެ.
އަދި މި ހާދިސާގައި 3 މީހުންނަށް އަނިޔާވެފައިވާ ކަމަށް ފުލުހުން ވަނީ ހާމަކޮށްފައެވެ. އަނިޔާވި މީހުން ވިލިމާލެ ހޮސްޕިޓަލަށް ގެންގޮސްފައި ވާއިރު އޭގެ ތެރެއިން އެއްވެސް މީހަކަށް ބޮޑު އަނިޔާ އެއް ވެފައިވާ ކަމުގެ މައުލޫމާތު ލިބިފައި ނުވާ ކަމަށް ފުލުހުން ވަނީ ބުނެފައެވެ.
މި ހާދިސާ އާއި ގުޅިގެން އިތުރަށް ބަލަން ޖެހޭ ކަންކަން ފުލުހުން ދަނީ މިހާރު ބަލަމުންނެވެ.
