ރާއްޖޭގައި ކޮވިޑް-19 ވެކްސިންގެ ދެވަނަ ޑޯޒް ފުރިހަމަކުރި މީހުންގެ އަދަދު 348،662ށް އަރައިފިއެވެ.

ހެލްތު ޕްރޮޓެކްޝަން އެޖެންސީ (އެޗްޕީއޭ)ން އެންމެ ފަހުން ހާމަކޮށްފައިވާ ތަފާސްހިސާބުތަކަށް ބަލާއިރު އަންގާރަ ދުވަހު ކޮވިޑް ވެކްސިންގެ ދެވަނަ ޑޯޒް ޖެހީ 1،104 މީހުންނެވެ. އެއީ އަތޮޅުތަކުން ވެކްސިން ޖެހި 639 މީހުންނާއި، މާލެ ސަރަހައްދުން ދެވަނަ ޑޯޒް ޖަހާފައިވާ 465 މީހުންނެވެ.

އަންގާރަ ދުވަހު ވެކްސިންގެ ފުރަތަމަ ޑޯޒް ޖަހާފައިވަނީ 69 މީހުންނެވެ. އެއީ އަތޮޅުތަކުން 28 މީހަކާ މާލެ ސަރަހައްދުން 41 މީހެކެވެ. މިއާއެކު ވެކްސިންގެ ފުރަތަމަ ޑޯޒް ޖެހި މީހުންގެ އަދަދު ވަނީ 393،413ށް އަރާފައެވެ.

ކޮވިޑް-19 ކޮންޓްރޯލް ކުރުމުގެ ގޮތުން, ޚާއްސަ އިސްކަމެއް ދީގެން ވެކްސިނޭޝަން ޕްރޮގްރާމް ކުރިއަށް ގެންދެއެވެ. މާލޭގެ އިތުރުން އަތޮޅުތެރޭގައި ވެކްސިން ދެމުންދާއިރު، ވެކްސިނަށް ގިނަ ބަޔަކު ހޭލުންތެރިވެފައިވާ ކަމަށް ކަމާބެހޭ ފަރާތްތަކުން ވިދާޅުވެއެވެ.