ރާއްޖޭގެ 7 ރަށެއްގައި އާރބަން ސެންޓަރު އެޅުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ނިންމަވާ, އެ ރަށްތައް ސަރުކާރުން އިއުލާން ކޮށްފިއެވެ.
މިކަން ހާމަކޮށްފައިވަނީ ގެދޮރުވެރިކަމާއި ބިމާއި އުމްރާނީ ތަރައްޤީއާ ބެހޭ ވުޒާރާއިން ހޮނިހިރު ދުވަހު ނެރުނު ނޫސްބަޔާނެއްގައެވެ.
އާރބަން ސެންޓަރުތަކުގެ ގޮތުގައި ތަރައްޤީ ކުރުމަށް ސަރުކާރުން ކަނޑައަޅާފައިވާ ރަށްތަކަކީ، ރ. އުނގޫފާރު، ބ. އޭދަފުށި، ޅ. ނައިފަރު، އދ. މަހިބަދޫ، ފ. ނިލަންދޫ، ދ. ކުޑަހުވަދޫ، އަދި ލ. ފޮނަދޫއެވެ.
އާރބަން ސެންޓަރުތައް ރާއްޖޭގައި ޤާއިމް ކުރުމަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ވަޢުދުފުޅެއް ކަމަށްވެސް އެ ބަޔާނުގައި ވެއެވެ.
ސަރުކާރުން އާބަން ސެންޓަރުގެ ގޮތުގައި އިއުލާނު ކުރި ރަށްތަކުގެ ތެރޭގައި، ބިން ބޮޑު ނުވަތަ އާބާދީ އެންމެ ބޮޑެތި ރަށްތައް ނުހިމެނޭކަން ފާހަގަ ކުރެވެއެވެ.
