މޯލްޑިވިއަން ޑިމޮކްރަޓިކް ޕާޓީ (އެމްޑީޕީ) ގެ ޤައުމީ މަޖިލީހުގެ ދާއިރާތަކުގެ އިންތިޚާބުގައި އެމްޑީޕީގެ މާލޭ ދާއިރާގެ ރައީސްކަމަށް އަކްރަމް ކަމާލުއްދީން ކުރިމަތިލެއްވުމަށް ނިންމަވައިފިއެވެ.
އެކަން ހާމަ ކުރައްވައި ހުކުރު ދުވަހު އަކްރަމް ކުރެއްވި ޓްވީޓެއްގައި ވިދާޅުވީ، އެމްޑީޕީ މާލެ ދާއިރާގެ ރައީސްގެ ގޮތުގައި މިހިނގާ ދައުރުގައި ޕާޓީއަށާއި, މެންބަރުންނަށް އިޚްލާސްތެރިކަމާއެކު ޚިދުމަތް ކުރުމަށް ގިނަ މަސައްކަތްތަކެއް ކުރެވުނުކަން އުފަލާއެކު ފާހަގަ ކުރައްވާ ކަމަށެވެ. އަދި ކުރިޔަށް އޮތް ދައުރަށް މާލެ ދާއިރާގެ ރައީސްކަމަށް ކުރިމަތި ލެއްވުމަށް ޤަސްތު ކުރައްވާކަން ފާހަގަ ކުރައްވައި އަކްރަމް ވަނީ އެމްޑީޕީގެ މެންބަރުންނާއި ހެޔޮއެދޭ ފަރާތްތަކުން ތާއީދު ކުރެއްވުން އެދިވަޑައިގަންނަވާފައެވެ.
ޕްލޭނިންގ މިނިސްޓްރީގެ ސްޓޭޓް މިނިސްޓަރުކަންވެސް ކުރައްވަމުން ގެންދަވާ އަކްރަމް އަކީ މިހާރު މި ހިނގަމުންދާ ދައުރުގައިވެސް މާލޭ ސިޓީގެ ދާއިރާގެ ރައީސްއެވެ.
އެމްޑީޕީގެ ޤައުމީ މަޖިލީހަކީ އެމްޑީޕީގެ އަސާސީ ޤަވާއިދުގެ 5ވަނަ ބާބުގައި ބަޔާންކުރެވިފައިވާ، ޕާޓީގެ 13 ގުނަނުގެތެރެއިން 2ވަނަ ގުނަނެވެ.
