ރަޝިއާއިން މިސްރަށް ޗާޓަރު ދަތުރުތައް އަލުން ފަށަށް ނިންމާފައިވާކަމަށް އެގައުމުން އިއުލާނުކޮށްފިއެވެ.
ރަޝިއާގެ ފޮރިން މިނިސްޓަރ ވަނީ އެގައުމުން ވަރަށް އަވަހަށް މިސްރަށް ޗާޓަރު ދަތުރުތައް ކުރަން ފަށާނެ ކަމަށް ހާމަކުރައްވާފައެވެ.
މިސްރުގެ ސިވިލް އޭވިއޭޝަން އޮތޯރިޓީން ވަނީ ރަޝިއާއިން މިސްރުގެ ޝަރަމުއްޝައިޚަށް ކުރަމުން އައި ދަތުރުތައް ފަސް އަހަރު ވަންދެން މެދުކަނޑަލާފައި އޮތުމަށްފަހު މިއަހަރުގެ މަރޗްމަހު ފަށާނެކަމަށް ބުނެފައެވެ.
ރަޝިއާއިން މިސްރަށް ކުރަމުން އައި ޗާޓަރު ދަތުރުތައް މެދުކަނޑާލާފައި ވަނީ 2015 ވަނަ އަހަރުގެ އޮކްޓޫބަރު މަހު، ރަޝިއާގެ ރައްޔިތުން އުފުލައިގެން ދަތުރުކުރި ފްލައިޓެއް ވެއްޓި 224 މީހުން މަރުވި ހާދިސާއަށް ފަހުއެވެ.
