ލޮކްޑައުންއާއި ގުޅިގެން ޕީކް ވާންޖެހޭ ވަރަށް ޕީކް ނުވާ ކަމަށާއި، ޕީކް އަންނާނެ ދުވަހެއް ދެން އިނގޭނީ އާ ޑާޓާ އެއްކޮށް ރީ ޕްރޮޖެކްޝަނަކަށް ދިއުމުން ކަމަށް ހެލްތް ޕްރޮޓެކްޝަން އެޖެންސީގެ އެޕިޑިމިއަލޮޖިސްޓް ޑރ. އިބްރާހިމް އަފްޒަލް ވިދާޅުވެއްޖެއެވެ.
އާދިއްތަ ދުވަހު ނެޝަނަލް އެމަރޖެންސީ އޮޕަރޭޝަން ސެންޓަރ (އެންއީއޯސީ) ގައި ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން ޑރ. އަފްޒަލް ވިދާޅުވީ ޕީކް އަދި ނާންނަ ކަމަށާއި، އިތުރަށް ކަންކަން ބެލުމަށްފަހު އާ ޑާޓާ އެކު ރީ ޕްރޮޖެކްޝަނަކަށް ދާނެ ކަމަށެވެ. އަދި އެހިސާބުން ޕީކަށްވީ ކިހިނެއްތޯ ދެނެގަނެވޭނެ ކަމަށެވެ.
ޕީކް ދަށްކޮށްލެވުނަސް ޕީކް ދަށްވާ ވަގުތު ފަހަތަށް ޖެހިގެންދާނެ. އެއީ އޯވަރއޯލްކޮށް ޕްރޮޖެކްޝަންގައި ބޭނުންކުރާ އީކުއޭޝަންގެ ސަބަބުން އަދި ޓޯޓަލް ބަލިޖެހޭ މީހުންގެ އަދަދު އިންނާނީ އެއްވަރަކަށް ކަމަށްވާތީ ޕީކް ދަށްކޮށްލާއިރު، ނުވަތަ ފްލެޓްކުރެވޭ އިރު ވައިޑްވެގެން ދާނެ. އެހެންވީމަ ޕީކް އަންނަ ވަގުތު ފަހަތަށް ދިއުން އެކަށީގެންވޭ. އެއިރު ބަލާނީ ޕީކް ސިގްނިފިކެންޓް ވަރަކަށް ދަށްކުރެއްވިއްޖެނަމަ އަދި ވަރަށް މެނޭޖަބަލް ނަންބަރެއްގައި ޕީކް އަންނަކަމުގައިވާ ނަމަ، އަޅުގަނޑުމެން އާންމުކޮށް މި ގެންގުޅޭ ސީސަނަލް ބަލިތަކުގައި ހުންނަ މެނޭޖްމަންޓަކުން އަޅުގަނޑުމެންނަށް އެކަން ކުރެވިދާނެ. ނަމަވެސް އެހެން ބުނާ ވަރަކަށް އަޅުގަނޑުމެންނަށް ޑާޓާ ކަލެކްޓް ކުރެވިފައި ނުވޭ. އަދި އިތުރު ދުވަސްތަކަކަށް ބަލަންޖެހޭ،އެޗްޕީއޭގެ އެޕިޑިމިއަލޮޖިސްޓް ޑރ. އިްބރާހިމް އަފްޒަލް
ޑރ. އަފްޒަލް ވިދާޅުވީ ލޮކްޑައުންގެ ތެރޭގައި ކޭސްތައް މަދުވުމުގެ ފުރުސަތު އޮންނާނެ ކަމަށެވެ. އަދި ލޮކްޑައުންއަކީ މިކަމަށް ނެގޭ އެންމެ ރަނގަޅު ފިޔަވަޅު ކަމަށްވާތީ ކަމަށެވެ. އަދި އިނިޝިއަލް ލޮކްޑައުންގައި ކޭސްގެ ނަންބަރު ލިބުނު މިންވަރަށް ބަލާފައި ޕްރޮޖެކްޝަންސް އެހުރީ ގެނެސްފައިވާ ކަމަށެވެ.
އެހެންނަމަވެސް ކުރިއަށް އޮތްތާގައި ނުވަތަ ކުރިއަށް އޮތް ދުވަސްތަކުގައި އަދި ހަފްތާ ތަކުގައި މަދުވާކަމުގައި ވާނަމަ ދެން ބަލާނީ ޓެސްޓް ކުރާ މިންވަރު ހުރީ ކިހަވަރެއްގައިތޯ ކަމަށް ޑރ. އަފްޒަލް ވިދާޅުވިއެވެ. އަދި ދަށްނުވެ ހުރި ވަރުގައި ހުރެއްޖެއްޔާ ނުވަތަ އެ ލެވެލްގައި ހުރެއްޖެއްޔާ ފެންނަވަރު އިތުރުވާން ޖެހޭނެ ކަމަށެވެ.
ޓެގުން ދިން ރެކަމަންޑޭޝަންގައި ވަނީ ސަރޮގޭޓް އިންޑިކޭޓާތަކުން ވެސް އިނގޭނެ އިތުރުވާކަމުގައި ވާނަމަ. ނުފެންނަ ކަމުގައި ވާނަމަ އަޅުގަނޑުމެންނަށް ބުނެވޭނީ ޕްރިވެންޓިވް މެޝަރސް މާލެ ތެރޭގައި އެބަ ހިނގާކަން. އަދި އާންމުންނަށް ވެސް އެކަމުގެ މުހިންމު ކަން ވިސްނެނީ. އަޅުގަނޑުމެންނަށް މިހާރު މަގުމައްޗަށް ނުކުތަސް އަދި ފިހާރައަކަށް ވަނަސް އަޅުގަނޑުމެންނަށް އެބަފެނޭ އިންޑިވިޖުއަލް ލެވެލްއެއްގައި މީހުން ފިޔަވަޅުތައް އަޅާތަން،އެޗްޕީއޭގެ އެޕިޑިމިއަލޮޖިސްޓް ޑރ. އިްބރާހިމް އަފްޒަލް
ޑރ. އަފްޒަލް ވިދާޅުވީ އަންގިއާއި މާސްކާއި އަޅައިގެން ގައިދުރުކަން ބަހައްޓާތަން އަންމުންގެ ފަރާތުން ފެންނަ ކަމަށާއި ނަމަވެސް ހުރިހާ އެންމެން އެހެން ކަންތައް ނުކުރާ ކަމަށެވެ. ނަމަވެސް ނިސްބަތުން ގިނަބަޔަކު އެ މެސެޖް ލިބިގަނެގެން ބަލައިގަނެގެން އެކަމަށް އަމަލުކުރާތަން ފެންނަމުންދާ ކަމަށް ޑރ. އަފްޒަލް ވިދާޅުވިއެވެ.
