އިތުރު 45 މީހުން ޕޮޒިޓިވްވެ، ރާއްޖޭގައި ޕޮޒިޓިވްވި މީހުންގެ އަދަދު 835ށް އަރައިފިއެވެ.
އެޗްޕީއޭ އިން ބުނީ ޕޮޒިޓިވްވި 45 މީހުންގެ ތެރޭގައި ހިމެނެނީ ބަންގުލަދޭޝްގެ 22 ރައްޔިތުންނާއި، އިންޑިޔާ މީހަކާއި، ނޭޕާލު 2 މީހެއްގެ އިތުރުން 20 ދިވެހިން ކަމަށެވެ.
އާދީއްތަ ދުވަހު އެކަނިވެސް ރާއްޖެއިން ކޮވިޑް-19 އަށް 51 މީހަކު ވަނީ ޕޮޒިޓިވްވެފައެވެ.
ރާއްޖޭގައި މިހާތަނަށް 835 މީހުން ކޮވިޑް-19 އަށް ޕޮޒިޓިވް ވެފައިވާއިރު، 3 މީހަކު ވަނީ ނިޔާވެފައެވެ. އަދި 29 މީހަކު ވަނީ ބަލިން ރަނގަޅުވެފައެވެ. ކޮވިޑް-19 އަށް ރާއްޖެއިން މިހާރު ފަރުވާ ދެމުން އަންނަނީ 804 މީހުންނަށެވެ.
