ރާއްޖެއިން އިތުރު 22 މީހަކު ކޮވިޑް-19 އަށް ޕޮޒިޓިވްވެއްޖެއެވެ.
ހޮނިހިރު ދުވަހު ހެލްތު ޕްރޮޓެކްޝަން އޭޖެންސީ (އެޗްޕީއޭ)އިން ކުރި ޓްވީޓެއްގައި ބުނީ، ހޮނިހިރު ދުވަހުގެ މެންދުރު 14:00 ގެ ނިޔަލަށް އިތުރު 22 މީހަކު ވައިރަސްއަށް ޕޮޒިޓިވްވެފައިވާ ކަމަށެވެ. އެގޮތުން ޕޮޒިޓިވްވެފައިވާ މީހުންގެ ތެރޭގައި ހިމެނެނީ 16 ދިވެހިންނާއި، ބަނގްލަދޭޝްއަށް ނިޞަބަތްވާ 4 މީހުންނާއި، އިންޑިއާއަށް ނިޞްބަތްވާ މީހެއްގެ އިތުރުން، ނޭޕާލަށް ނިޞްބަތްވާ މީހެކެވެ.
އެއާއެކު ރާއްޖެއިން ކޮވިޑް-19އަށް ޕޮޒިޓިވްވި މީހުންގެ ޖުމުލަ ޢަދަދު ވަނީ 766ށް އަރާފައެވެ.
