އިޖުތިމާއީ ގައިދުރުކަން ދެމެހެއްޓުމާއި، މާސްކާއި އަންގި އެޅުމަށް ދެވުނު ހަރުކަށި އިރުޝާދުތަކާއެކު ދެކުނު ކޮރެއާގެ ޕަރލިމެންޓްރީ އިންތިހާބުގައި ވޯޓުލާން ފަށައިފިއެވެ.

މިއީ ކޮރޯނާވައިރަސްގެ ވަބާ މުޅި ދުނިޔެއަށް ކުރިމަތިވެފައިވާ ދަނޑިވަޅެއްގައި އެންމެ ގިނަ ބަޔަކަށް ވޯޓު ލެވޭ ގޮތަށް ކުރިއަށް ގެންދާ އިންތިހާބެވެ. އެ ގައުމުގެ އެކި ކަންކޮޅުތަކުގައި ގާތްގަނޑަކަށް 14،000 ވޯޓުލާ މަރުކަޒު ގާއިމުކުރެވިފައިވާއިރު، ހެނދުނު 06:00 ގައި ވަނީ ވޯޓުލާން ފަށާފައެވެ.

ވޯޓުލާ މަރުކަޒަތަކަށް ދާ މީހުންގެ ހުން ބެލުމުގެ އިންތިޒާމުތައް ވެސް ހަމަޖައްސާފައެވެ. އަދި 37.5 ޑިގްރީ ސެލްސިއަސްއަށް ވުރެ މަތި ނަމަ، އެ މީހުން ވޯޓުލާން ދާން ޖެހެނީ ހާއްސަ ބޫތަކަށެވެ. އަދި ވޯޓުލާ ހުރިހާ ފަރާތްތަކުން ސެނިޓައިޒަރ ބޭނުންކުރަން ޖެހެއެވެ.

ދެކުނު ކޮރެއާ އަކީ މި ވައިރަސް ފުރަތަމަ ކޮޅު ފެނުނު އައުޓްބްރޭކް ލެވަލްއަށް ދިޔަ ގައުމުގެ ތެރެއިން ވައިރަސް ކޮންޓްރޯލް ކުރުމުގައި އެންމެ ބޮޑު ކާމިޔާބީއެއް ހޯދާފައިވާ ގައުމެވެ. އަދި އެ ގައުމުގެ ޓެސްޓިންގ ކުރިއަށް ގެންދާ ގޮތާއި ކޮންޓެކްޓް ޓްރޭސިންގ ގެ މަސައްކަތަށް ދުނިޔޭގެ ސިއްހަތު ޖަމިއްޔާ އާއި ސިއްހީ މާހިރުންގެ ތައުރީފު ވަނީ ލިބިފައެވެ.

މި ދަނޑިވަޅުގައި، ހާއްސަކޮށް ވޯޓު ލުމުގެ ކަންކަން ކުރިއަށްދާ އިރު އިތުރަށް ސަމާލުވުމަށް އެ ގައުމުގެ ސެންޓަރ ފޯ ޑިޒީޒް ކޮންޓްރޯލް އެންޑް ޕްރިވެންޝަން އިން ވަނީ އިލްތިމާސްކޮށްފަ އެވެ.