ފާއިތުވެދިޔަ 24 ގަޑިއިރު ކުވޭތުން އިތުރު 80 މީހަކަށް ކޮވިޑް-19 ޖެހިގެން ރިޕޯޓުކޮށްފިއެވެ.

އެޤައުމުގެ ހެލްތު މިނިސްޓްރީއާއި ޙަވާލާދީ ޤަލްފުގެ މީޑިއާތަކުން ރިޕޯޓުކުރާގޮތުގައި، އެޤައުމުން މިހާތަނަށް 1،234 މީހަކުވަނީ ވައިރަށްއަށް ޕޮޒިޓިވްވެފައެވެ. އަދި މިހާރު 1،091 މީހުންނަށް ފަރުވާދެމުންދާކަމަށާއި، އޭގެތެރެއިން 29 މީހަކު އިންޓެންސިވް ކެއަރ ޔުނިޓް(އައިސީޔޫ)ގައި ފަރުވާދެމުންދާކަމަށް އެމިނިސްޓްރީން ބުނެފައިވެއެވެ. އަދި ފަރުވާދީގެން މިހާތަނަށް 142 މީހަކު ރަނގަޅުވެގެން ގެއަށް ދޫކޮށްލާފައިވާކަމަށްވެސް އެމިނިސްޓްރީއާއި ޙަވާލާދީ ރިޕޯޓުކޮށްފައިވެއެވެ.

މިދިޔަ ހުކުރު ދުވަހު ކުވޭތުގެ ހެލްތު މިނިސްޓަރ ޑރ. ބަސިލް އަލް-ސަބާޙް ވަނީ ކޮވިޑް-19 އިން ޝިފާ ލިބުނު ފަރާތްތަކުގެ ކިބައިން ލޭ ހަދިޔާ ކުރުމަށް ގޮވާލާފައެވެ. އެއީ މިހާރު ފަރުވާ ހޯދަމުންދާ މީހުންނަށް އެމީހުންގެ ލޭގެ ޕްލާސްމާ ބޭނުންކޮށްގެން ފަރުވާދިނުމުގެ ބޭނުމުގައެވެ.