ސްޓޭޓް އިލެކްޓްރިކް ކޮމްޕެނީ ލިމިޑެޓް (ސްޓެލްކޯ) ގެ އެޕްރެންޓިސްޝިޕް ޕްރޮގްރާމުގައި ބައިވެރިވުމުގެ ފުރުސަތު ހުޅުވާލައިފިއެވެ.
ސްޓެލްކޯ އިން ކުރި އިއުލާނެއްގައި ބުނެފައިވަނީ ޖުމްލަ 10 ފަރާތަކަށް އެޕްރެންޓިޝްޝިޕް ޕްރޮގްރާމުން ފުރުސަތު ދޭން ނިންމާފައިވާ ކަމަށާއި ޕްރޮގްރާމަށް ހޮވޭ ފަރާތްތަކަށް 3000 ރުފިޔާގެ އެލަވެންސެއް ދިނުމަށް ވެސް ނިންމާފައިވާ ކަމަށެވެ.
މި ޕްރޮގްރާމުގައި ބައިވެރިވެވޭނީ ގުޅުންހުރި ދާއިރާއިން ޑިޕްލޮމާއެއް ހާސިލްކޮށްފައިވާ، ނުވަތަ ޖީސީއީ އޭލެވެލް އިމްތިހާނުން ދަށްވެގެން ތިން މާއްދާއިން ސީ ފާސް ލިބިފިއިވާ ފަރާތަކަށެވެ.
ކުންފުނީގެ މަސައްކަތްތަކާ ގުޅޭ އެޕްރެންޓިސްޝިޕް ފުރިހަމަކުރުމަށް ޝައުގުވެރިވާ ފަރާތްތަކުން އަންނަ މަހުގެ 5 ވަނަ ދުވަހުގެ ކުރިން ފޯމް ހުށަހެޅުމަށް އެ ކުންފުނިން ވަނީ އެދިފައެވެ.
ސްޓެކްލޯގެ މި ޕްރޮގްރާމު ކުރިއަށްދާނީ 5 މަސް ދުވަހަށެވެ.
