އައްޑޫސީޓީ ހުޅުމީދޫގައި ހުންނަ ވޭސްޓް މެނޭޖްމެންޓް ކޯޕަރޭޝަން (ވެމްކޯ) ގެ ސައިޓްގައި އަލިފާނުގެ ހާދިސާއެއް ހިނގައިފިއެވެ. 

އެމްއެންޑީއެފްގެ މީޑިއާ އޮފިޝަލް ވިދާޅުވީ މި ހާދިސާ ހިނގާފައި ވަނީ އަންގާރަ ދުވަހުގެ މެންދުރުފަހު 3:15 ހާއިރު ކަމަށާއި ސިފައިންނާއި ފުލުހުން އަދި އާންމު ރައްޔިތުން ގުޅިގެން ކުރި މަސައްކަތުން އަލިފާންގަނޑު އެއްކޮށް ކޮންޓްރޯލް ކުރެވިފައި ވަނީ މިއަދު ހަވީރު 17:00 ހާއިރު ކަމަށެވެ.

މީޑިއާ އޮފިޝަލް އިތުރަށް ވިދާޅުވީ މިހާދިސާގައި އެ ސައިޓުގައި ހުރި ބައެއް މެޝިނަރީޒްތަކަށް ބޮޑެތި ގެއްލުންތަކެއް ވެފައިވާއިރު އެއްވެސް މީހަކަށް އަނިޔާއެއް ލިބިފައިނުވާ ކަމަށެވެ. ނަމަވެސް ބޮޑު ގެއްލުމެއް މި ހާދިސާގެ ސަބަބުން ވަނީ ލިބިފައެވެ. އެ ތަނުގައި ރޯވާން މެދުވެރިވީ ކިހިނެއް ވެގެން ކަމެއް ނޭނގެއެވެ.