ސްރީ ލަންކާގައި މިހާރު ކުރިއަށްދާ ކާވާ 20 އަހަރުން ދަށުގެ ފިރިހެން ވޮލީ ބޯޅަ މުބާރާތުގައި ދިވެހިރާއްޖެ އިން ކުޅުނު ދެ ވަނަ މެޗުގައި ނޭޕާލާ ވާދަކޮށް ވެސް ބަލިވެއްޖެ އެވެ.

ފުރަތަމަ މެޗުގައި ރާއްޖެ ވަނީ ތުރުކެމިނިސްތާން އަތުން ވެސް ބަލިވެފަ އެވެ. އެ މެޗުން ރާއްޖެ ސީދާ ތިން ސެޓުން ބަލިވި ނަމަވެސް، މެޗުގައި ޖުމުލަ ގޮތެއްގައި ރާއްޖެ އިން ވަނީ އުންމީދީ ކުޅުމެއް ދައްކައިފަ އެވެ. ދެ ވަނަ މެޗުގައި ރާއްޖެ ވަނީ މުބާރާތް ބާއްވާ ޤައުމު ސްރީ ލަންކާއާ ވާދަކޮށް ވެސް ސީދާ ތިން ސެޓުން ބަލިވެފަ އެވެ.

ތިން ވަނަ މެޗުގައި އަންގާރަ ދުވަހު ރާއްޖެ ނިކުތީ ނޭޕާލާ ދެކޮޅަށެވެ. އެ މެޗުގައި ނޭޕާލް އިން ވެސް ވަނީ ސީދާ ތިން ސެޓުން ރާއްޖޭގެ މައްޗަށް ކުރި ހޯދައިފަ އެވެ. މެޗުގެ ސެޓުތައް ނޭޕާލް އިން ކާމިޔާބު ކުރީ 25-05، 25-12 އަދި 25-20 އިންނެވެ.

ހަ ޓީމު ވާދަކުރާ މި މުބާރާތުގައި ރާއްޖެ އަށް ބާކީ އޮތީ ދެ މެޗެވެ. އެއީ ބުރާސްފަތި ދުވަހު އުޒްބަކިސްތާނާ ދެކޮޅަށް ކުޅޭ މެޗު އަދި ހުކުރު ދުވަހު ކިރިގިސްތާނާ ދެކޮޅަށް ކުޅޭ މެޗެވެ.