އިޓަލީގެ ޒުވާން ޑިފެންޑަރު ރިކާޑޯ ކަލަފިއޯރީގެ ސޮއި އާސެނަލް އިން ޔަގީން ކޮށްފި އެވެ.

އިޓަލީގެ ބޮލޯނާއާ ކުރި މަޝްވަރާތަކަށްފަހު ކަލަފިއޯރީ އާސެނަލް އަށް ބަދަލުވުމުގެ ހުރިހާކަމެއް މިހާރު ވަނީ ނިމިފައެވެ. ކުރިއަށް އޮތީ 22 އަހަރުގެ ޑިފެންދަރުގެ މެޑިކަލްގެ ކަންކަން ފުރިހަމަކޮށް ނިންމުމެވެ. އާސެނަލްއިން އުއްމީދުކުރަނީ ޕްރީ ސީޒަން ޓުއާގެ ތެރޭގައި ކަލަފިއޯރީ އަށް ބައިވެރިވެވޭނެ ކަމަށެވެ. ކަލަފިއޯރީ އާސެނަލްއަށް ބަދަލުވުމާ ގުޅޭ ގިނަ ޚަބަރުތަކެއް އޭނާ ވަނީ ރިޓްވީޓްވެސް ކޮށްފައެވެ. އަދި އާސެނަލްއިން އޭނާ ގެންދާތީ އެކްލަބަށް ޝުކުރުއަދާކޮށްވެސް ޓްވީޓެއް ކޮށްފައި ވެއެވެ.

ކަލަފިއޯރީ ވަނީ ނިމިގެންދިޔަ ޔޫރޯ ފުޓްބޯޅަ މުބާރާތުގެ ގްރޫޕް ސްޓޭޖްގައި އިޓަލީ ކުޅުނު ތިން މެޗުގައިވެސް ފުރަތަމަ އެގާރައިގަ ހިމެނިފައެވެ. ސެރީ އޭގައި މިދިޔަ ސީޒަންގައި ކުޅުނު 30 މެޗުން ދެ ގޯލް ޖަހާ, 5 ގޯލް ޖަހަން ފުރުޞަތު ތަނަަވަސްކޮށްދިނެވެ. ބޮލޯނާ ލީގު ތާވަލްގެ 5 ވަނައިގަ ނިންމާލާ ޗެމްޕިއަންސް ލީގުން ޖާގަ ހޯދުމުގައި އޭނާ މުހިއްމު ދައުރެއް އަދާކުރިއެވެ. ކަލަފިއޯރީ އަކީ ރޯމާ އެކަޑަމީން ތަމްރީނުވި ކުޅުންތެރިއެކެވެ.