ފީޑަރެއް ނިވި، މައްޗަންގޮޅިއާއި، މާފަންނުގެ ބައެއް ސަރަހައްދުތަކުން ކަރަންޓް ކެނޑިއްޖެއެވެ.
ސްޓެލްކޯއިން ބުނީ މާލެއަށް ކަރަންޓު ފޯރުކޮށް ދެމުންދާ ފީޑަރުތަކުގެ ތެރެއިން ފީޑަރެއް ނިވި، މައްޗަންގޮޅިއާއި، މާފަންނުގެ ބައެއް ސަރަހައްދުތަކުން ކަރަންޓުގެ ހިދުމަތް މެދުކެނޑިފައިވާ ކަމަށެވެ. އަދި ފީޑަރު ނިވެން މެދުވެރިވި ސަބަބު ދެނެގަނެ ވީ އެންމެ އަވަހަކަށް ކަރަންޓު ދިނުމަށް މަސައްކަތް ކުރެވެމުންދާ ކަމަށް ސްޓެލްކޯއިން ބުނެއެވެ.
ކަރަންޓް ކެނޑިފައިވާތާ އެއްގަޑިއިރަށްވުރެ ގިނައިރުވަނީ ވެފައެވެ. ކަރަންޓް ދިޔަކަމަށް ސްޓެލްކޯއިން ޓްވީޓްކޮށްފައިވަނީ 4:43 ގައެވެ.
