އަންނަ އަހަރުގެ އޮލިމްޕިކް މުބާރާތް ފެށުމުގެ ރަސްމިއްޔާތު، ސަލާމަތީ ހާލަތަށް ބޭނުންވެއްޖެ ނަމަ، އެތުލީޓުންނާއި ބައިވެރިވާ ފަރާތްތަކަށް ރައްކާތެރިކަން ކަށަވަރު ކޮށްދިނުމަށް އެހެން ތަނަކަށް ބަދަލު ކުރުމަށް ތައްޔާރަށް އޮތް ކަމަށް ފްރާންސްގެ ރައީސް އިމަނުއެލް މެކްރޮން ވިދާޅުވެއްޖެ އެވެ.
މެދުއިރުމަތީގެ ހަމަނުޖެހުންތަކާ ގުޅިގެން ޔޫރަޕްގެ އެކި ކަންކޮޅުތަކުގައި މިހާރު އެލާޓް ވަރުގަދަވެ، ސަލާމަތީ ހާލަތުގެ ސަބަބުން ރޭވިފައިވާ ގޮތަށް ޖަލްސާ ބޭއްވުމަށް ރާވާފައިވާ ޕްލޭންތައް ނާކާމިޔާބުވެދާނެތޯ ސުވާލު ކުރުމުން މެކްރޮން ވިދާޅުވީ، ޕްލޭން ބީ އަދި ޕްލޭން ސީއެއް ވެސް އޮތް ކަމަށެވެ. އެކަމުގެ ސަބަބުން އެހެން ރަސްމިއްޔާތެއް ބާއްވަން ޖެހިއްޖެ ޙާލަތެއްގައި އެކަން ކުރައްވާނެ ގޮތުގެ ތަފްސީލެއް މެކްރޮން ދެއްވައިފައެއް ނުވެ އެވެ.
މެކްރޮން ވިދާޅުވީ އަވަސް އަރުވާލައިގެން ޕްލޭންތައް ބަދަލުކުރުމާ ދެކޮޅު ކަމަށާއި ނަމަވެސް، ޙާލަތުގެ ސަބަބުން ކަންކަން ބަދަލު ކުރަން ޖެހިއްޖެނަމަ، ޕްލޭން ބީއެއް އުފެދުމަކީ ވެސް އެކަށީގެންވާ ކަމެއް ކަމަށެވެ. ފްރާންސްގެ ސެކިއުރިޓީގެ ކަންކަން ބޮޑުކުރީ މިދިޔަ އޮކްޓޫބަރު މަހު ފްރާންސްގެ އުތުރުގެ ސްކޫލެއްގައި ޗެޗެން ދަރިކޮޅުގެ މީހަކު ވަޅިން ހަމަލާދީ، ޓީޗަރަކު މަރާލުމާ ގުޅިގެންނެވެ.
މި މަހުގެ ކުރީކޮޅު ފްރާންސްގެ ކުޅިވަރާ ބެހޭ ވަޒީރު ވަނީ ޕްލޭންތައް ބަދަލު ކުރުމަށް ދެކޮޅު ހައްދަވައިފަ އެވެ. ވަޅި އާއި ހަތިޔާރާއެކު އައިފިލް ޓަވަރު ކައިރީގައި ޖަރުމަނުގެ ޓޫރިސްޓެއް މަރާލައި، ދެ މީހަކު ޒަހަމްކޮށްލުމާ ގުޅިގެން ރޭވުންތަކަށް ބަދަލެއް ގެންނާނެ ކަމަށް ދެކޮޅު ހައްދަވައި އޭނާ ވިދާޅުވީ، އެއީ އެ މީހުން މަސައްކަތް ކުރާ ކަމެއް ނޫން ކަމަށެވެ.
ފްރާންސް އިން ލަފާ ކުރާ ގޮތުގައި އޮލިމްޕިކްސް ހުޅުވުމުގެ ރަސްމިއްޔާތުގައި ގިނަ އަދަދެއްގެ ފަރާތްތަކެއް ބައިވެރިވާނެ އެވެ.
