ކަކޫ ހަލާކުވެ ލިވަޕޫލްގެ ޑިފެންޑަރު ޖޮއެލް މަޓިޕަށް މި ސީޒަނުގައި ދެން ނުކުޅެވޭނެ ކަމަށް ބެލެވެން ފަށައިފިއެވެ.

އިތުބާރު ޑިފެންޑަރަށް އަނިޔާވީ އިނގިރޭސި ޕްރެމިއާ ލީގުގައި އާދީއްތަ ދުވަހު ފުލަމް އަތުން 4-3އިން ލިވަޕޫލް މޮޅުވި މެޗުގައެވެ. 20 މިނެޓު ތެރޭގައި އަނިޔާވުމުން އޭނާ ބާލަން ވެސް ޖެހުނެވެ.

ލިވަޕޫލްގެ ކޯޗު ޔާގެން ކްލޮޕް ބުނީ މަޓިޕް މެޗުގައި ބާލަން ޖެހުމާއެކު ވެސް އޭނާ އަށް މިފަދަ ގޮތެއް މެދުވެރިވެދާނެ ކަމަށް ހީކުރެވުނު ކަމަށެވެ. އަދި މިއީ ޓީމަށް އުނދަގޫ ވަގުތެއް ކަމަށެވެ.

ލިވަޕޫލާއެކު ހަދާފައިވާ ކޮންޓްރެކްޓްގެ ފަހު އަހަރު ހޭދަކުރަމުން އަންނަ ކުޅުންތެރިޔާ އަކީ މީހެ ހަތް އަހަރު ކުރިން ޖަރުމަނުގެ ޝާލްކޭއިން ލިވަޕޫލަށް ގެނައި ކުޅުންތެރިއެކެވެ. އޭނާ ވަނީ މިހާތަނަށް 11 ގޯލު ޖަހައި 201 މެޗު ކުޅެދީފައެވެ.

މަޓިޕަށް އަނިޔާވުމުން ލިވަޕޫލުން ކުރިއަށް އޮތް ޖެނުއަރީ ޓްރާންސްފާގައި ޑިފެންޑަރަކު ހޯދާނެ ވާހަކަ އަދި ޔަގީންކޮށްނުދެއެވެ. ނަމަވެސް އެއްވަނައިގައިވާ އާސެނަލަށްވުރެ ދެ ޕޮއިންޓްގެ ފަހަތުން ލީގުގެ ދެ ވަނައިގައި އޮތުމާއި ޔޫރޮޕާ ލީގުގެ ނޮކްއައުޓް ބުރަށް ގޮސްފައިވާތީވެ ލިވަޕޫލުން ޓީމު ވަރުގަދަ ކުރާނެ ކަމަށް ބެލެވެއެވެ.