ވޯޓު ކަރުދާހުގައި ކުރެހިކަމަށް ބުނެ ލ. ފޮނަދޫ ފޮއްޓެއްގެ ވޯޓުލުން މެދުކަނޑާލާފައިވާއިރު, މިހާރު އެ ފޮށީގެ ވޯޓުލުން ފަށާފައިވާކަމަށް، އިލެކްޝަންސް ކޮމިޝަންގެ ނައިބުރައީސް އިސްމާއިލް ހަބީބް ވިދާޅުވެއްޖެއެވެ.
ފޮނަދޫގައި ވޯޓުލުން މެދުކަނޑާލީ ވޯޓު ކަރުދާހުގައި ކުރެހި މައްސަލައެއްގައެވެ.
ހަބީބު ވިދާޅުވީ، އެ މައްސަލާގައި، ވޯޓު ކަރުދާސް ދޫކުރަން އިން, މަރުކަޒުގެ އެހީތެރިޔާ އެ މަސައްކަތުން ދުރުކޮށްފައިވާ ކަމަށެވެ.
ރައްޔިތުންގެ މަޖިލީހުގެ ފޮނަދޫ ދާއިރާގެ މެމްބަރު މޫސާ ސިރާޖް ވަނީ، މި މައްސަލައާ ގުޅިގެން ހަމަނުޖެހުން އުފެދިފައިވާ މަންޒަރު ފެންނަ ވީޑިއޯއެއް ޓްވިޓާގައި ހިއްސާކުރައްވާފައެވެ.
