ރިޔާސީ އިންތިޚާބުގެ ވޯޓުލުން ފަށައިފިއެވެ.
މި އިންތިޚާބުގައި ގިނަ ފޮށިތަކުގެ ވޯޓުލުން ހެނދުނު 8:00ގައި ވަނީ ފަށައިފައެވެ. ގިނަ ބަޔަކު ވަނީ ވޯޓުލުމަށްޓަކައި ހެނދުނު 7:00 ން ފެށިގެން ކިޔޫ ހަދައިފައެވެ.
ރިޔާސީ އިންތިޚާބުގެ ވޯޓުލުން ކުރިއަށްދާނީ ހަވީރު 4:00 އާ ހަމައަށެވެ. އަދި 4:30ން ފެށިގެން ވޯޓު ގުނަން ފަށާނެ ކަމަށް އިލެކްޝަންސް ކޮމިޝަނުން ވަނީ ބުނެފައެވެ.
Advertisement
ރިޔާސީ އިންތިޚާބު 2023ގައި 8 ކެންޑިޑޭޓަކު ވާދަކުރެއެވެ. މިއީ ފެހި ޤާނޫނު އަސާސީގެ ދަށުން އެންމެ ގިނަ އަދަދަކަށް ކެންޑިޑޭޓުން ކުރިމަތިލި ފަހަރެވެ.
މި އިންތިޚާބުގައި ވޯޓުލުމުގެ ޙައްޤު ލިބިފައިވާ މީހުންގެ އަދަދަކީ 282,395 އެވެ.
މިއަހަރުގެ އިންތިޚާބުގައި ރާއްޖޭން ބޭރުގައި 7 ވޯޓު ފޮށްޓެއް ބަހައްޓާފައިވާއިރު، ޖުމްލަ 574 ވޯޓު ފޮށި ވަނީ ބަހައްޓާފައެވެ.
