ކުރިއަށް އޮތްތަނުގައި "ފަރުމާ އިންޓަރނޭޝަނަލް ޔޫތު އާޓް ފެސްޓިވަލް" އަހަރަކު އެއް ފަހަރު އޮންނާނެކަމަށް، އާޓްސް ކޮމިއުނިޓީގެ ޗެއަރޕަރސަން އަހުމަދު އަޒްމީ ހަލީމް ވިދާޅުވެއްޖެއެވެ.
އޭނާ މިފަދައިން ވިދާޅުވީ ރާއްޖެޓީވީގެ ފަލަސުރުޚީ ޕްރޮގްރާމްގަައި ވާހަކަފުޅުދައްކަވަމުންނެވެ. އޭނާ ވިދާޅުވީ މިފަހަރުގެ ފެސްޓިވަލަށް އާއްމުންގެ ފަރާތުން ލިބެމުންދަނީ ވަރަށް ހޫނު ތަރުހީބެއް ކަަމަށެވެ. ގިނަ އަަދަދެއްގެ ޒުވާނުން ބައިވެރިވާ މި ފެސްޓިވަލަކީ ފަންނާނުންގެ ކުރިއެރުމަށް އެޅޭ މުހިންމު ފިޔަވަޅެއްކަމަށް އޭނާ ވަނީ ވިދާޅުވެފައެވެ. އަދި އުންމީދަކީ އަހަރަކު އެއްފަހަރު މި ފެސްޓިވަލް ބާއްވައި، އަހަރަކަށްވުރެ އަހަރެއް ފެސްޓިވަލް ފުރިހަމަކުރުންކަމަށް އޭނާ ވިދާޅުވިއެވެ.
މޯލްޑިވިއަން އާޓިސްޓް ކޮމިއުނިޓީއާއި ޔޫތު މިނިސްޓްރީ ގުޅިގެން ކުރިއަށްގެންދާ މި ފެސްޓިވަލް ފަށާފައިވަނީ ހޯމަ ދުވަހުއެވެ.
އެ ފެސްޓިފަލް ފައްޓަވައިދެއްވީ ރައީސުލްޖުމްހޫރިއްޔާ އިބްރާހީމް މުހައްމަދު ސާލިހުއެވެ.
މި ފެސްޓިވަލް ފަށާފައިވަނީ 8 ގައުމަކުން 80އަށްވުރެ ގިނަ ފަންނުވެރިންނާއެކުއެވެ. މިއީ ރާއްޖޭގައި ބޭއްވޭ ބައިނަލްއަގުވާމީ މިފަދަ ފުރަތަމަ ފެސްޓިވަލް ކަމަށް ވާއިރު، މިފެސްޓިވަލް ކުރިއަށްދާނީ މެއިމަހުގެ 8ން 13އަށް، ސޯޝަލްސެންޓަރުގައެވެ.
