މާލެ އިންނާއި ހުޅުމާލޭގެ ބޮޑު ބަޔަކުން ކަރަންޓް ކެނޑިއްޖެއެވެ.
ކަރަންޓް ކެނޑިފައިވަނީ މިއަދު 12:00 ޖެހިއިރުއެވެ. އެގޮތުން، މުޅި މާލެއިން ވަނީ ކަރަންޓް ކެނޑިފައެވެ. ނަމަވެސް ހުޅުމާލެއިން ކަރަންޓް ކެނޑުނީ ބައެއް ސަރަހައްދުތަކުންނެވެ.
މިކަމާ ގުޅޭގޮތުން ސްޓެލްކޯއިން ބުނީ ކަރަންޓް ކެނޑުނީ ދިމާވި ޓެކްނިކަލް މައްސަލައަކާ ގުޅިގެން ކަމަށެެވެ. އެގޮތުން، މާލެއިން ކަރަންޓުގެ ހިދުމަތް މެދު ކެނޑިފައިވަނީ، ގްރޭޓާމާލެ އިންޓަރކަނެކްޝަން ގްރިޑަށް ދިމާވި ޓެކްނިކަލް މައްސަލައަކާއި ގުޅިގެން ކަމަށް އެ ކުންފުނިން ބުނެއެވެ.
މި ވަގުތު ގްރިޑްގެ ހިދުމަތް މެދުކެނޑިފައިވާއިރު، ގްރިޑް ރީކަނެކްޓް ކުރުމުގެ މަސައްކަތް ކޮށް، މި މައްސަލަ ވީ އެންމެ އަވަހަކަށް ހައްލުކޮށް ކަރަންޓް ދިނުމަށް މަސައްކަތް ކުރަމުން އަންނަ ކަމަށް އެ ކުންފުނިން ބުނެއެވެ.
ކަރަންޓް ކެނޑުމުގެ ސަަބަބުން ދިމާވެދާނެ ދަތިތަކަށް އެ ކުންފުނިން ވަނީ މައާފަށް އެދިފައެވެ.
