ފާއިތުވި މަސްތަކުގައި ރާއްޖޭގައި ކޮވިޑް-19ގެ ކޭސްތައް މަދުވެފައި އޮތުމަށްފަހު އަނެއްކާ ވެސް އިތުރުވާންފަށާފައިވާކަމަށް ތަފާސްހިސާބުތަކުން ދައްކާކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ)އިން ބުނެފިއެވެ.

އެޗްޕީއޭއިން ހޯމަ ދުވަހު ނެރުނު ބަޔާނެއްގައި ބުނީ، ފާއިތުވި ހަފުތާގައި ރާއްޖޭން 142 ކޭސް ފެނިފައިވާ ކަމަށެވެ. އެއީ އޭގެ ކުރީ ހަފުތާއާ އަޅައިބަލާއިރު 69 އިންސައްތައިގެ އިތުރުވުމެއްކަންވެސް ވަނީ ފާހަގަކޮށްފައެވެ.

ކޮވިޑުގެ ކޭސްތައް އިތުރުވުމާއެކު ސާމްޕަލް ޕޮޒިޓިވިޓީއާއި ހޮސްޕިޓަލުގައި އެނދުމަތިކޮށްގެން ފަރުވާ ދޭ މީހުންގެ އަދަދުވެސް އިތުރުވަމުންދާކަމަށް އެޗްޕީއޭއިން ބުނެއެވެ. އެގޮތުން މެއި މަހު ކޮވިޑު ޖެހިގެން 15 މީހުން އެޑްމިޓްކުރިއިރު ޖޫންމަހުގެ 12 ވަނަ ދުވަހާ ހަމައަށް އެކަނިވެސް 11 މީހުން އެޑްމިޓްކޮށްފައިވާ ކަމަށްވެސް އެ އިދާރާއިން ބުނެއެވެ.

އެޗްޕީއޭއިން ވަނީ ރާއްޖޭގައި ކޮވިޑުގެ ހާލަތު އިތުރަށް ގޯސްވިޔަނުދިނުމަށް ސަމާލުކަންދޭންވީ ކަންކަން ވެސް ފާހަގަކޮށްފައެވެ. މީގެ ތެރޭގައި ހިމެނެނީ:

އެޗްޕީއޭއިން ބުނީ ދުނިޔޭގައި އަދިވެސް ކޮވިޑުގެ ހާލަތު ދެމިއޮތުމާއެކު ބައެއް ގައުމުތަކުގައި މިހާރުވެސް ހާލަތު ގޯސްވަމުންދާކަމަށެވެ. ނަމަވެސް ރާއްޖޭގެ ހާލަތު އިތުރަށް ގޯސްވިޔަނުދިނުމަށް ހުރިހާ ފަރާތްތަކުންވެސް ރައްކާތެރިކަމުގެ ފިޔަވަޅުތައް އެޅުމަށް އެ އިދާރާއިން ވަނީ އިލްތިމާސްކޮށްފައެވެ.