ލޯކަލް ކައުންސިލް އިންތިޚާބުން ބަލިވެއްޖެކަން ޕީޕީއެމްގެ ޕީޖީ ލީޑަރު އަދި ވިލިމާލޭ ދާއިރާގެ މަޖިލިސް މެންބަރު އަހުމަދު ނިހާން ހުސެއިން މަނިކު ގަބޫލުފުޅު ކުރައްވައިފިއެވެ.
އަންގާރަ ދުވަހު ނިހާން ކުރައްވާފައިވާ ޓްވީޓެއްގައި ވިދާޅުވީ، ޕީޕީއެމަށް ކައުންސިލް ގޮނޑިތަކުގެ މެޖޯރިޓީ ނުލިބުނު ސަބަބުތައް ދެނެގަންނަން ޖެހޭ ކަމަށާއި އަދި އެކަންތައް އިސްލާހުކޮށްގެން ދެންފަހަރަކުން ކާމިޔާބު ހޯދޭތޯ ގަދައަޅާ މަސައްކަތް ކުރާނޭކަމަށެވެ.
އެހެންނަމަވެސް ކައުންސިލް އިންތިޚާބަށްފަހު ޕީޕީއެމުން ބޭއްވި ފުރަތަމަ ނޫސްވެރިންގެ ބައްދަލުވުމުގައި ނިހާން ވިދާޅުވީ، ޕީޕީއެމަށް މި އިންތިޚާބުގައި ފާހަގަކޮށްލެވޭ ވަރުގެ ނަތީޖާއެއް ލިބިއްޖެކަމަށެެވެ.
#LCE2017 miee Semi Final, Mi buruge Final Match othee 2018 vana Aharu. Final ah Dhiya ee MDP aai PPM. Mistake thah Rangalhu Koh Thayaaruvey!
— Ahmed Nihan (@ahmed_nihan) May 9, 2017
އަންގާރަ ދުވަހު ނިހާން ކުރެއްވި ޓްވީޓްގައި ވިދާޅުވީ، މިއީ ސެމީ ފައިނަލް ބުރުކަމަށާއި، މި ބުރުގެ ފައިނަލް މެޗް އޮތީ، 2018 ވަނަ އަހަރު ކަމަށެވެ. އަދި ފައިނަލަށް ދިޔައީ، އެމްޑީޕީއާއި ޕީޕީއެމްކަަމަށް ނިހާން ވިދާޅުވިއެވެ.
ނިހާން ވިދާޅުވީ، ދެން އޮތީ މިސްޓޭކްތައް ރަނގަޅުކޮށް 2018 އަށް ތައްޔާރުވުންކަމަށެވެ.
#LCE2017 ga PPM ah Council Gondi thakuge Majority Nulibunu Sababu thah Dhenegane Ekan Kan Islaah kohleema e libenee kaamiyaabu kan Yageen.
— Ahmed Nihan (@ahmed_nihan) May 9, 2017
ނިހާން ވިދާޅުވީ، 2018 ކާމިޔާބު ކުރާނެ ހިތްވަރު އެބަހުރިކަމަށާއި، ކާމިޔާބު ކުރާނީ އެއްބުރުން ކަމަށެވެ.
ނިހާން މިހެން ވިދާޅުވިއިރު، މަޖިލީހުގައި ތިއްބެވި ޕީޕީއެމްގެ ގިނަ މެންބަރުން ނިސްބަތްވާ ދާއިރާތަކުެ ކައުންސިލްތަކުގެ ބާރުވެސް މި އިންތިޚާބުގައި ޕީޕީއެމަށް ވަނީ ގެއްލިފައެވެ.
