މޯލްޑިވްސް މީޑިއާ ކައުންސިލުން ކޮންމެ އަހަރަކު ދެމުން އަންނަ ނޫސްވެރިކަމުގެ އިނާމު ހަފްލާގައި އެންމެ މޮޅު ވީޑިއޯ ޖާނަލިސްޓަކަށް ޝުރުފާ މުހައްމަދު، އަދި އެންމެ އުންމީދީ ނޫސްވެރިޔަކަށް މުހައްމަދު މުޒައްޔިނު ނާޒިމް ހޮވިއްޖެއެވެ.

މި އަހަރުގެ ނޫސްވެރިކަމުގެ އިނާމަށް 11 ދާއިރާއަށް 80 ފަރާތަކުން ނަން ހުށަހަޅާފައިވާ ކަމަށް އެމްއެމްސީއިން ބުނެއެވެ. އަދި މި އަހަރުގެ ނޫސްވެރިކަމުގެ އިނާމު 11 ދާއިރާއަކުން 10 ނޫސްވެރިއަކު ހާސިލުކޮށްފައިވެއެވެ.

މި ހަފްލާގައި މީޑިއާ ކައުންސިލްގެ ފަރާތުންވަނީ، 2014 ވަނަ އަހަރު ގެއްލުނު މިނިވަން ނޫހުގެ ނޫސްވެރިޔާ އަހުމަދު ރިލްވާނުގެ ހަނދާނުގައި އޭނާގެ އާއިލާއަށް ހަނދާނީ ފިލައެއް އަރުވާފައެވެ.