ގަލޮޅުގައި ހުންނަ ގެއެއްގައި މީހަކު މަރުވެފައި އޮއްވާ ފެނިއްޖެއެވެ.
މިޑިއާތަކަށް މައުލޫމާތު ދެމުން ފުލުހުން ބުނީ ގަލޮޅުގައި ހުންނަ ގެއެއްގައި މީހަކު ނިޔާވެފައިވާކަމުގައި މައުލޫމާތު ބުދަ ދުވަހުގެ 11:57 ހާއިރު ލިބިފައިވާކަމަށާއި އެމީހާގެ ހަށިގަނޑު މިހާރު އައިޖީއެމް ހޮސްޕިޓަލަށް ގެންގޮސްފައިވާކަމަށެވެ.
މައުލޫމާތު ލިބިފައިވާ ގޮތުގައި މަރުވެފައި އޮއްވާ ފެނިފައިވަނީ އުމުރުން 18 އަހަރުގެ މީހެކެއެވެ.
ފުލުހުން ބުނީ މި މައްސަލައާއި ގުޅިގެން އިތުރަށް ބަލަންޖެހޭ ކަންކަން ބަލަމުން އަންނަ ކަމަށެވެ. އެމީހާގެ މަރުގެ އިތުރު ތަފްސީލެއް ފުލުހުންނެއް ހާމައެއް ނުކުރެއެވެ.
