ހޮނިހިރު ދުވަހުގެ ރޭ މެންދަމުގެ ވަގުތެއްގައި ތޫނު އެއްޗަކުން ހަށިގަނޑުގެ އެކި ތަންތަނަށް ހަމަލާދީ މަރާލާފައި އޮއްވާ ފެނުނު ސޯޝަލް މީޑިއާ އެކްޓިވިސްޓް ޔާމީން ރަޝީދުގެ މަރުގެ ޚަބަރާއެކު ލިބުނީ ކުއްލި ހައިރާން ކަމެއްކަމަށް ކުރީގެ ރައީސް މައުމޫނު އަބުދުލް ގައްޔޫމް ވިދާޅުވެއްޖެއެވެ.
ރައީސް މައުމޫނު އާދިއްތަ ދުވަހު ކުރައްވާފައިވާ ޓްވީޓެއްގައި ވިދާޅުވީ، ސޯޝަލް މީޑިއާ އެކްޓިވިސްޓް ޔާމީން މަރާލި މީހުން ހޯދައި އެފަރާތްތައް އިންސާފުގެ ކުރިމައްޗަށް ގެންނަން ޖެހޭކަށެވެ.
ޔާމީން ރަޝީދު މަރާލާފައި އޮއްވާ ފެނުނީ އޭނާ ދިރިއުޅޭ ގޭގެ ސިޑިގޮޅި ކައިރީގައި ހޮނިހިރު ދުވަހުގެ ރޭ މެންދަމު 2:59 ގައެެވެ.
Deeply shocked by the killing of social media activist Yameen Rasheed. May Allah bless his soul! His murderers must be bought to justice.
— Maumoon Abdul Gayoom (@maumoonagayoom) April 23, 2017
ފުލުހުން ބުނީ، ޔާމީން މަރާލި މައްސަލަ ސީރިއަސް މައްސަލައެއްގެ ގޮތުގައި ތަހުގީގުކުރަމުންދާކަމަށެވެ.
ސޯޝަލް މީޑިއާ އެކްޓިވިސްޓް ޔާމީން ރަޝީދުގެ މަރުގެ ޚަބަރާއެކު، ރާއްޖެއާއި ރާއްޖޭގެ ބޭރުގެ އިސް ފަރާތްތަކުން ދަނީ އިންތިހާއަށް ކަންބޮޑުވުން ފާޅުކުރަމުންނެވެ.
