ވިޔަފަރީގެ ދާއިރާއާއި ގުޅުން ހުރި މުހިންމު ގިނަ ބިލްތަކަކާއެކު، ރައްޔިތުންގެ މަޖިލީހުގެ މި އަހަރުގެ ފަހު ދައުރުގެ ޖަލްސާތަކަށް ސަރުކަރުގެ ފަރަތުން ހުށަހަޅާ 28 ބިލެއް ހާމަކޮށްފި އެވެ.
ސަރުކާރުގެ ފަރާތުން މަޖިލީހަށް ހުށަހަޅާ މުހިންމު ބިލްތަކުގެ ތެރޭގައި ވިޔަފާރި އާއި، ތިމާވެއްޓާއި، ބޯހިޔާވެހިކަމާއި، ނަފްސާނީ ދުޅަހެޔޮކަމާއި ގުޅޭ ބިލްތައް ހިމެނެ އެވެ.
ސަރުކާރުގެ ފަރާތުން ހުށަހަޅަން ނިންމާފައިވާ ބިލްތައް:
- ޤާނޫނު ނަންބަރު 3/2010 (ޓެކްސްނެގުމާބެހޭ އިދާރީ ޤާނޫނު) އަށް .. ވަނަ އިޞްލާޙު ގެނައުމުގެ ބިލު
- ޕޭމަންޓް ސިސްޓަމްއާ ޕޭމަންޓް ޚިދުމަތްތަކުގެ ބިލު
- ދިވެހިރާއްޖޭގެ ކޯޓުތަކުގެ ޤާނޫނަށް އިޞްލާޙު ގެނައުމުގެ ބިލު
- ދިވެހިރާއްޖޭގެ ފަނޑިޔާރުންގެ ޤާނޫނަށް އިޞްލާޙު ގެނައުމުގެ ބިލު
- މީހުން ޓްރެފިކްކުރުން ހުއްޓުވުމުގެ ޤާނޫނަށް އިޞްލާޙު ގެނައުމުގެ ބިލު
- ހެއްކާބެހޭ ބިލު
- މޯލްޑިވްސް މީޑިއާ އެންޑް ބްރޯޑްކާސްޓިންގ އޮތޯރިޓީގެ ބިލު
- ކާބޯތަކެއްޗާބެހޭ ބިލު
- ނޭޝަނަލް ރަޖިސްޓްރޭޝަންގެ ބިލު
- ޢާންމު ދަތުރުފަތުރުގެ ބިލު
- އަބުރާބެހުމުގެ ސަބަބުން ލިބޭ ގެއްލުމުގެ ބަދަލު ނަގައިދިނުމުގެ ބިލު
- ދިރޭ ޖަނަވާރުގެ ރައްކާތެރިކަމުގެ ބިލު
- ތަސްނީފްކުރުމުގެ ބިލު
- ނެތިދިޔުމުގެ ބިރުހީވެފައިވާ ދިރޭ ތަކެތީގެ ވިޔަފާރިކުރުމުގެ ބިލު
- ފޮރިން އިންވެސްޓްމަންޓްގެ ބިލު
- ކުދި އަދި މެދު ފަންތީގެ ވިޔަފާރީގެ ޤާނޫނަށް ގެނައުމުގެ
- އިލެކްޓްރޯނިކް މުޢާމަލާތްތަކުގެ ބިލު
- އަމިއްލަ ފަރުދުންގެ ވިޔަފާރީގެ ޤާނޫނަށް އިޞްލާޙު ގެނައުމުގެ ބިލު
- އިންސޮލްވަންސީއާބެހޭ ބިލު
- އާމްދަނީން ޓެކްސް ނެގުމުގެ ޤާނޫނަށް އިޞްލާޙު ގެނައުމުގެ ބިލު
- ދިވެހިރާއްޖޭގެ ޓޫރިޒަމާބެހޭ ޤާނޫނަށް އިޞްލާޙު ގެނައުމުގެ ބިލު
- ޤާނޫނީ އެހީތެރިކަން ފޯރުކޮށްދިނުމުގެ ބިލު
- ޢާއިލާއާބެހޭ ބިލު
- ނަފްސާނީ ޞިއްޙަތުގެ ބިލު
- މީހުން ސްމަގްލްކުރުން ހުއްޓުވުމުގެ ބިލު
- ބޯހިޔާވަހިކަމުގެ ބިލު
- ދިވެހިރާއްޖޭގެ ތިމާވެށި ރައްކާތެރިކޮށް ދެމެހެއްޓުމާބެހޭ ޤާނޫނަށް އިޞްލާޙު ގެނައުމުގެ ބިލު
- މަދަނީ ވައިގެ ދަތުރުފަތުރުގެ ބިލު
މި ބިލްތަކުގެ ތެރޭގައި ހިމެނެ ބައެއް ބިލްތަކަކީ ސަރުކާރުގެ ރިޔާސީ ވައުދުތަކާއި، އެޖެންޑާ-19 ގެ ވައުދުތަކާއި ގުޅުންހުރި ބިލްތަކެވެ. ނަމަވެސް ބިލްތަކުގެ ތަފްސީލެއް ބަންޑާރަ ނައިބްގެ އޮފީހުން ހާމަކޮށްފައެއް ނުވެ އެވެ.
