އެމެރިކާގެ ރައީސް ޑޮނަލްޑް ޓްރަމްޕް ކޮވިޑް-19 އަށް ޕޮޒިޓިވްވުމުން، ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު އަވަސް ޝިފާ އަކަށް އެދިވަޑައިގެންފިއެވެ.
ޓްރަމްޕާއި އަނބިކަނބަލުން މްލޭނިއާ ޓްރަމްޕް ކޮވިޑް-19 އަށް ޕޮޒިޓިވްވިކަން ހާމަކުރެއްވީ ޓްރަމްޕް ކުރެއްވި ޓްވީޓެއްގައެވެ. އެކަމާއި ގުޅިގެން ރައީސް ސޯލިހު ކުރެއްވި ޓްވީޓެއްގައި ވަނީ އެމަނިކުފާނާއި އަނބިކަނބަލުން ފަޒްނާ އަހުމަދުގެ ނަންފުޅުގައި ޓްރަމްޕްގެ ދެކަނބަލުންނަށް އަވަސް ޝިފާއަކަށް އެދިވަޑައިގެންފައެވެ.
ޓްރަމްޕް އާއި އަނބިކަނބަލުން ކޮވިޑަށް ޕޮޒިޓިވްވެފައިވާއިރު، ޓްރަމްޕްގެ އެޑްވައިޒަރު ހޯޕް ހިކްސް އަށް ވެސް ވަނީ ކޮވިޑް-19 ޖެހިފައެވެ. ހޯޕްސް ވަނީ ދާދި ފަހުން އެމެރިކާގެ ރިޔާސީ އިންތިހާބުގައި ބަހުސް ބޭއްވި އޮހަޔޯއަށް ޓްރަމްޕްއާ އެކު އެއާފޯސް ވަންގައި ދަތުރުކުރައްވާފައެވެ.
