ހޮލިޑޭއިން ކަނޑޫމާ ރިސޯޓުން މޫދަށް އެރި އުޅެނިކޮށް ގެއްލުނު ފަތުރުވެރިޔާ މަރުވެފައި އޮއްވާ ފެނިއްޖެއެވެ.
ރާއްޖެ އެމްވީއަށް މައުލޫމާތު ލިބިފައިވާ ގޮތުގައި އޭނާ ހޯމަދުވަހު މެންދުރުފަހު ހިނގި މިހާދިސާގައި މަރުވެފައިވަނީ ޗައިނާ އަށް ނިސްބަތްވާ ފިރިހެން ފަތުރުވެރިއެކެވެ. އޭނާގެ އުމުރަކީ 33 އަހަރެވެ.
އޭނާ މޫދަށް ގޮސްފައިވަނީ އަންހެނުންނާއި އެކު އިއްޔެ މެންދުރު ފަހުއެވެ. ނަމަވެސް އަޑިއަށް ގޮސް ގެއްލުމުން ހޯދަމުން ދަނިކޮށް ފެނިފައިވަނީ މަރުވެފައި އޮއްވާ ހޯމަދުވަހުގެރޭގެ ވަގުތެއްގައެވެ.
