އިނގިރޭސިވިލާތަށް ކުރެއްވި ދަތުރުފުޅު ނިންމާލުމަށްފަހު ރައީސް ނަޝީދު މާލެ ވަޑައިގެންފިއެވެ.

ރައްޔިތުންގެ މަޖިލީހުގެ މީޑިއާ އެންޑް ކޮމިއުނިކޭޝަން ޑިރެކްޓަރ ވިދާޅުވީ މަޖިލީހުގެ ރައީސް، ރައީސް މުޙައްމަދު ނަޝީދު އިނގިރޭސިވިލާތަށް ކުރެއްވި ނުރަސްމީ ދަތުރުފުޅު ނިންމަވާލެއްވުމަށްފަހު އަންގާރަ ދުވަހުގެ ހެނދު މާލެ ވަޑައިގަންނަވައިފިކަމަށާއި, އެ މަނިކުފާނު މިވަގުތު ހުންނެވީ ކަރަންޓީނުގައި ކަމަށެވެ.

ރައީސް ނަޝީދު ނުރަސްމީ ދަތުރުފުޅެއްގައި އިނގިރޭސިވިލާތަށް ފުރާވަޑައިގެންނެވީ، އޯގަސްޓް މަހުގެ 28 ވަނަ ދުވަހުގެ ހެނދުނުގެ ވަގުތެއްގައެވެ. ރާއްޖޭގައި ކޮވިޑްގެ ބަލިމަޑުކަން އޮތް ދުވަސްވަރެއްގައި، ރާއްޖެއިން ބޭރުން އަންނަ ކޮންމެ ފަރާތެއްވެސް 14 ދުވަހުގެ ކަރަންޓީން މުއްދަތެއް ފުރިހަމަކޮށް ޓެސްޓް ކުރަންޖެހެއެވެ.

އާންމު ފަރާތްތަކަށް ވެސް ބައެއް ކަންކަމުގައި ކަރަންޓީނުގައި ހުންނައިރު ވަކި އުސޫލުތަކެއްގެ މަތިން ވަކި ކަމަކަށް ނިކުންނަންޖެހޭތީ އެޗްޕީއޭއީން މީގެކުރިން ވެސް ވަކި ޚާއްސަ އުސޫލުތަކެއް އެކުލަވާލާފައިވެއެވެ. އެގޮތުން އިމަރޖެންސީ ހާލަތެއް ދިމާވެގެންނާއި ރަސްމީ މަސައްކަތައް އެޗްޕީއޭގެ ހާއްސަ ހުއްދައެއް ހޯދައިގެން 14 ދުވަސް ހަމަވުމުގެ ކުރިންވެސް ނިކުމެވެއެވެ.