ހއ. ދިއްދޫގެ ދެކުނު ފަރާތު އަތިރިމަތީގައި ރާޅު ޖަހާ ހިސާބުގައި އުމުރުން ދުވަސްވީ މީހެއް މަރުވެފައި އޮއްވާ ފެނިއްޖެއެވެ.
ފުލުހުން ބުނީ ދިއްދޫގައި އެރަށުގެ ދެކުނު ފަރާތު އަތިރިމަތީގައި ރާޅު ޖަހާ ހިސާބުގައި ހަރަކާތެއް ނެތި ހަބަރު ހުސްވެފައިވާ މީހަކު އޮތް ކަމުގެ މައުލޫމާތު ބުރާސްފަތި ދުވަހުގެ ހަވީރު 5:56 އެހާކަންހާއިރު ފުލުހުންނަށް ލިބިފައިވާ ކަމަށެވެ.
ފުލުހުންގެ އެހީތެރިކާމާއެކު އެމީހާ އެމްބިއުލެންސްގައި ހޮސްޕިޓަލަށް ގެންގޮސްފައިވާ ކަމަށާއި، ހޮސްޕިޓަލަށް ގެންދިޔަ އިރުވެސް މަރުވެފައިވާ ކަމަށް ބެލެއްވި ޑޮކްޓަރު މައުލޫމާތު ދީފައިވާ ކަމަށް ފުލުހުން ބުނެފައިވެއެވެ.
މަރުވެފައިވަނީ 59 އަހަރުގެ ދިވެހި ފިރިހެނެކެވެ.
މި ހާދިސާއާ ގުޅިގެން ފުލުހުން ބަލަން ޖެހޭ ކަންކަން ދަނީ ބަލަމުންނެވެ.
