ކުޅުދުއްފުށީ މެޖިސްޓްރޭޓް ކޯޓުގެ މެޖިސްޓްރޭޓް އިބްރާޙިމް ޝާހިދުގެ މައްސަލައެއް ޖުޑީޝަލް ސަރވިސް ކޮމިޝަން (ޖޭއެސްސީން) ބަލަން ފަށައިފިއެވެ.
ޖޭއެސްސީން ހޯމަ ދުވަހު ނެރުނު ބަޔާނެއްގައި ބުނީ، ކުޅުދުއްފުށީ މެޖިސްޓްރޭޓް ކޯޓުގެ މެޖިސްޓްރޭޓް އިބްރާޙިމް ޝާހިދުގެ މައްސަލައެއް ޖޭއެސްސީން ބަލަން ފަށާފައިވާ ކަމަށާއި، އެ މައްސަލަ ތަހުޤީޤު ކުރުމަށް ކޮމިޓީއެއް އެކުލަވާލެވިފައިވާ ކަމަށެވެ.
ޖޭއެސްސީން ބުނީ، މެޖިސްޓްރޭޓް އިބްރާޙިމް ޝާހިދުގެ މައްސަލަ ބެލުމަށް ތަހުޤީޤު ކޮމިޓީން ނިންމާފައިވަނީ ފަނޑިޔާރުންގެ ވާޖިބުތަކާއި މަސްއޫލިއްޔަތުތައް އަދާ ނުކުރާ ކަމަށް ބެލެވޭތީ ކަމަށް ވެސް ޖޭއެސްސީން ބުނެފައިވެއެވެ.
ކުޅުދުއްފުށީ މެޖިސްޓްރޭޓް ކޯޓުގެ މެޖިސްޓްރޭޓް އިބްރާޙިމް ޝާހިދުގެ މައްސަލައެއް ބަލަން ފަށާފައިވާއިރު، ހޯމަ ދުވަހު ޖޭއެސްސީން ވަނީ 8 ކޯޓަކަށް މެޖިސްޓްރޭޓުން ހޯދުމަށް އިއުލާނު ކޮށްފައެވެ. އޭގެ ތެރޭގައި ހދ. ކުޅުދުއްފުށި މެޖިސްޓްރޭޓް ކޯޓު ވެސް ހިމެނެއެވެ.
