ރާއްޖެއިން އިތުރު 137 މީހުން ކޮވިޑް-19 އަށް ޕޮޒިޓިވްވެއްޖެއެވެ.

ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން ބުނީ، ހޯމަ ދުވަހު ރާއްޖެއިން އިތުރު 137 މީހަކު ކޮވިޑް-19 އަށް ޕޮޒިޓިވްވެފައިވާ ކަމަށާއި، އޭގެ ތެރޭގައި 96 ދިވެހިން ވެސް ހިމެނޭ ކަމަށެވެ. އަދި ބަންގްލަދޭޝްއަށް ނިސްބަތްވާ 25 މީހަކާއި، އިންޑިއާއަށް ނިސްބަތްވާ 9 މީހަކާއި، ސްރީލަންކާއަށް ނިސްބަތްވާ 2 މީހަކާއި، ނޭޕާލް އަށް ނިސްބަތްވާ 2 މީހެއް ވެސް ޕޮޒިޓިވްވެފައިވެއެވެ.

އޭގެ އިތުރުން، ފިލިޕީންސް މީހަކާއި، ރަޝިއާ މީހަކާއި، ގާނާ މީހަކުވެސް ހޯމަ ދުވަހު ޕޮޒިޓިވްވި މީހުންގެ ތެރޭގައި ހިމެނެއެވެ.

އެޗްޕީއޭއިން ބުނީ، އޭގެ ތެރެއިން 129 މީހުންނަކީ މާލޭ ސަރަޙައްދުން ޕޮޒިޓިވްވި މީހުންނެވެ. އަދި 8 މީހުންނަކީ އަތޮޅު ތެރެއިންނާއި، ރިސޯޓުތަކުން ޕޮޒިޓިވްވި މީހުންނެވެ.

އެއާއެކު ރާއްޖެއިން ޕޮޒިޓިވްވި މީހުންގެ ޖުމުލަ އަދަދު ވަނީ 7804ށް އަރާފައެވެ. އަދި އިތުރު 19 މީހަކު ބަލިން ރަނގަޅުވެ، މި ވަގުތުގެ އެކްޓިވް ކޭސްތަކުގެ އަދަދަކީ 2615 އެވެ.

ރާއްޖެއިން މިހާތަނަށް ކޮވިޑް-19 ޖެހިގެން ރަނގަޅުވެފައިވާ މީހުންގެ ޖުމުލަ އަދަދަކީ 5155 އެވެ.