ހަތަރު ޓޫރިސްޓުން ގޮވައިގެން ގދ. ވާދޫގައި ހުކުރު ދުވަހުގެ ހެނދުނު ރާޅާއަޅަން ދިޔަ ޑިންގީއެއް ބަންޑުން ޖަހާލައި ކައްޕި މަރުވެއްޖެ އެވެ.
މަރުވީ އެ ރަށު ނަރުގިސްވިލާ މުހަންމަދު ހުސައިންއެވެ.
ރާއްޖެއެމްވީއަށް އެނގިފައިވާ ގޮތުގައި ޑިންގީ ބަންޑުން ޖަހާލީ ވާދޫގައި ތިބި ހަތަރު ޓޫރިސްޓަކު ގޮވައިގެން ގައްޑޫ ކައިރީގައި އޮންނަ ރާޅާ އަޅާ ޕޮއިންޓަކަށް ގޮސްތިއްބަ އެވެ. ޑިންގީ ބަންޑުން ޖަހާލިއިރު، ޓޫރިސްޓުން ތިބީ ރާޅާ އެޅުމުގަ އެވެ.
މުހައްމަދު ހުސައިންގެ ހަށިގަނޑު މިހާރު އޮތީ ގައްދޫ ސިއްހީ މަރުކަޒުގައި ކަމަށް ވާދޫ ކައުންސިލް މެމްބަރު އަހުމަދު އަބްދުލް ކަރީމް ވިދާޅުވި އެވެ.
ޕޮލިސް މީޑިއާއިން ބުނީ އެމީހާ މަރުވީ ހުކުރު ދުވަހުގެ ހެނދުނު 10:45 ހާއިރުކަމަށާއި ގައްދޫ ސިއްހީ މަރުކަޒަށް ގެންދިޔައިރުވެސް ވަނީ މަރުވެފައިކަމަށެވެ.
