ލޯކަލް ކައުންސިލް އިންތިޙާބަށް ތައްޔާރުވުމުގެ ގޮތުން އެމްޑީޕީގެ ވަފްދު ތ. ކިނބިދޫއަށް ޒިޔާރަތް ކުރުމުން ރަން ރީނދޫ މަރުހަބާއެއް ކިޔައިފި އެވެ.
ކެމްޕެއިން ޓީމް ކިނބިދޫއަށް ދިއުމުން އެޕާޓީގެ އިސްވެރިންނަށް މަރުހަބާ ކިޔާފައި ވަނީ އެއަތޮޅުގައި ތިބި އެމްޑީޕީ އާއި އަދި ގުޅިފައިވާ ޕާޓީތަކަށް ތާއީދު ކުރާ ފަރާތްތަކުންނެއެވެ.
މިޓީމް މިއަދު ދަތުރުކޮށްފައިވަނީ ކަނޑޫދޫ އަދި ކިނބިދޫ އަށެވެ. ކަނޑޫދޫ ގައި ބައްދަލުވުން ބާއްވާ ދޮރުން ދޮރަށް ހިނގާފައިވާއިރު ކިނބިދޫގައިވެސް ދޮރުން ދޮރަށް ހިނގުމަށް ވަނީ ހަމަޖެހިފައެވެ.
މީގެ އިތުރުން ކިނބިދޫގައި އެމްޑީޕީގެ ބޮޑު ޖަލްސާއެއް މިރޭ އޮންނާނެ އެވެ. މިޖަލްސާ ރާއްޖެޓީވީން ވަގުތުން ގެނެސްދިނުމަށް ހަމަޖެހިފައިވާއިރު މާދަމާ ވެސް ތ. އަތޮޅުގެ އެކި ރަށްތަކަށް ދަތުރުކުރުމަށް ވަނީ ހަމަޖެހިފައެވެ.
ތ. އަތޮޅަކީ 18،000 މީހުންގެ އާބާދީއެއް އޮންނަ އަތޮޅެކެވެ.
