މާފަންނު ގެއެއްގައި އަލިފާން ރޯވެއްޖެ އެވެ.
އޭއެމްޑީސީ ކައިރީގައި ހުންނަ މ. ހިތްވަރުގޭގައި އަލިފާން ރޯވީ 6:15 ހާއިރު އެވެ. ސިފައިން ގޮސް އެ ގޭގައި ރޯވެފައި ހުރި އަލިފާން ގަނޑު 6:45 ހާއިރު ނިއްވާލި އެވެ.
މި ހާދިސާއާ ގުޅިގެން، އެ ސަރަހައްދުގެ ބައެއް ގެތަކުން މީހުން ނެރުނެވެ. ނަމަވެސް އެއްވެސް މީހަކު ޒަހަމްވި ކަމެއް ނޭނގެ އެވެ. އަލިފާން ރޯވި ގެއަށާއި މުދަލަށް ލިބުނު ގެއްލުމުގެ ތަފްސީލެއް ވެސް އަދި ނުލިބެ އެވެ.
