ހދ.ކުޅުދުއްފުށީގައި ޒުވާނަކު ދަންޖެހިގެން މަރުވެއްޖެއެވެ.
ފުލުހުންގެ މީޑިއާ އޮފިޝަލް ރާއްޖެއެމްވީއަށް މައުލޫމާތު ދެއްވަމުން ވިދާޅުވީ ކުޅުދުއްފުށީގައި ފިރިހެނަކު ދަންޖެހިގެން މިއަދު ހެނދުނު 9:09ގައި ރިޕޯޓްކޮށްފައިވާ ކަމަށެވެ.
ދަންޖެހިގެން މަރުވެފައިވާ ހުއްޓާ ފެނުނީ ކުޅުދުއްފުށީ ، ވިނަ، އިބުރާހިމް މުހައްމަދު (18އ) އެވެ.
ފުލުހުންގެ ބެލުމުގެ ދަށުން އޭނާ ވަނީ ކުޅުދުއްފުށީ ހޮސްޕިޓަލަށް ގެންގޮސްފައިވާ ކަމަށާއި ހޮސްޕިޓަލުން ވަނީ އޭނާ މަރުވެފައިވާކަން ކަށަވަރުކޮށްދީފަ އެވެ.
މި މައްސަލަ ފުލުހުން ދަނީ ތަހްގީގު ކުރަމުންނެވެ.
