ހއ. އިހަވަންދޫ ފިހާރައެއް ފަޅާލައި ގިނަ އަދަދެއްގެ ފައިސާ ވަގަށް ނަގައިފި އެވެ.
ފުލުހުން ބުނީ އިހަވަންދޫ ފިހާރައެއް ފަޅާލައި ވައްކަން ކޮށްފައިވާ މައްސަލައެއް ހުކުރު ދުވަހު ރޭގެ ވަގުތެއްގައި ފުލުހުންނަށް ހުށަހަޅާފައިވާ ކަމަށެވެ. މައުލޫމާތު ލިބިފައިވާ ގޮތުގައި އެ ފިހާރައިން 25000ރ. ވަގަށް ނަގާފައި ވެއެވެ.
މީޑިއާތަކާ މައުލޫމާތު ހިއްސާކުރަމުން ފުލުހުން ބުނެފައިވަނީ މި ވަގުތު ކަން ހިނގައިދިޔަ ގޮތް ދެނެގަތުމަށާއި ހެކި ހޯދުމުގައި ފުލުހުން އަންނަނީ ހަރަކާތްތެރި ވަމުން ކަމަށެވެ. މި މައްސަލައާ ގުޅިގެން މިހާތަނަށް އެއްވެސް މީހަކު ހައްޔަރުކޮށްފައި ނުވެ އެވެ.
