މާލެ ސަރަހައްދުގައި ކޮވިޑް-19 ރޯގާ ފެތުރެން ފުށުމާއެކު، މާލެ ސަރަހައްދު ލޮކްޑައުން ކުރުމުން، މިހާތަނަށް ލޮކްޑައުން އަމުރާ ހިލާފުވި 3710 މީހަކު ޖޫރިމަނާ ކޮށްފިއެވެ.

ފުލުހުން ބުނީ، ލޮކްޑައުން އަމުރާ ހިލާފުވެގެން، މާލެއިން 3191 މީހަކު ޖޫރިމަނާކޮށްފައިވާ ކަމަށެވެ. އެއީ ހުޅުމާލެއިން 433 މީހަކު އަދި ވިލިމާލެއިން 86 މީހަކު ޖޫރިމަނާ ކޮށްފައިވާ ކަމަށެވެ. އަންގަރާ ދުވަހު އެކަނި ވެސް މާލެ ސަރަހައްދުން 151 މީހަކު ޖޫރިމަނާ ކޮށްފައިވާ ކަމަށް ފުލުހުން ބުނެއެވެ. އެއީ މާލެއިން 123، ހުޅުމާލެއިން 21 އަދި ވިލިމާލެއިން 7 މީހެކެވެ.

މީގެއިތުރުން ފުލުހުން ބުނީ، ލޮކްޑައުންއާ ހިލާފުވެގެން މިހާތަނަށް 197 މީހަކު ހައްޔަރުކޮށްފައިވާ ކަމަށެވެ. އެއީ މާލެއިން 188 މީހަކާއި ހުޅުމާލެއިން 14 އަދި ވިލިމާލެ އިން ދެ މީހަކު ހައްޔަރުކޮށްފައިވާ ކަމަށް ފުލުހުން ބުނެއެވެ. އަދި އަންގާރަ ދުވަހު އެކަނި ވެސް މާލެއިން 4 މީހަކު ހައްޔަރުކޮށްފައި ވާއިރު، ހުޅުމާލެ، ވިލިމާލެއިން ލޮންޑައުންއާ ހިލާފުވެގެން މީހަކު ހައްޔަރު ކޮށްފައި ނުވެއެވެ.

ކޮވިޑް-19 މާލެ ސަރަހައްދުގައި ފެތުރެން ފެށުމާއެކު މިދިއަ އޭޕްރީލް 15 ވަނަ ދުވަހުން ފެށިގެން މާލެ ސަރަހައްދު ވަނީ ލޮކްޑައުން ކޮށްފަ އެވެ. މާލެ ސަރަހައްދުގެ އިތުރުން ރާއްޖޭގެ ބައެއް ރަށްރަށުން ވެސް ކޮވިޑް-19 އަށް ޕޮޒިޓިވްވާ މީހުން ދަނީ ފެންނަމުން ނެވެ. އަދި ރާއްޖޭގެ އެކި ސަރަހައްދުތަކުން އެކި ތައްތަން މޮނީޓަރިންގ ހާލަތަށް ގެނެސްފައި ވެއެވެ. އޭގެ ތޭރޭގައި ބައެއް ރަށްތަށް ވެސް ހިމެނެއެވެ.

ކޮވިޑް-19 ރާއްޖޭގައި ފެތުރުން ކޮންޓްރޯލް ކުރުމަށް ދައުލަތުގެ 46 އިދާރާއެއް ގުޅިގެން އުފައްދާފައިވާ ނޭޝަނަލް އިމަރޖެންސީ އޮޕަރޭޝަން ސެންޓަރުން ލަފާކުރާ ގޮތުގައި، ހިނގަމުންމިދާ ހަފުތާއާއި އަންނަ ހަފުތާގައި ޕޮޒިޓިވްވާ މީހުން އިތުރުވުމަކީ އެކަށީގެންވާ ކަމެކެވެ.

އެހެންކަމުން ކަމާބެހޭ ފަރާތްކުން ވަނީ ރައްކާތެރި ފިޔަވަޅުތަކާއެކު، އިޖުތިމާއީ ރައްކާތެރިކަމާއެކު އުޅުމަށް ނަސޭހަތްތެރި، އަދި ގޭގައި މަޑުކުރުމަށް އިލްތިމާސް ކޮށްފަ އެވެ.