ކޮވިޑް-19 އަށް ޓެސްޓްކުރާ މެޝިންތައް ލިބިމުގައި ދަތިކަމެއް އެބަހުރިކަމަށް ނޭޝަނަލް އިމަރޖެންސީ އޮޕަރޭޝަން ސެންޓަރ (އެންއީއޯސީ) ގެ ތަރުޖަމާން މަބްރޫކް އަޒީޒް ވިދާޅުވެއްޖެއެވެ.
ބުރާސްފަތި ދުވަހުގެ ރޭ ދަރުބާރުގޭގައި ގާއިމްކޮށްފައިވާ ނޭޝަނަލް އިމަރޖެންސީ އޮޕަރޭޝަން ސެންޓަރ (އެންއީއޯސީ)ގައި ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން މަބްރޫކް އަޒީޒް ވިދާޅުވީ، މިވަގުތު ދިމާވާ އެންމެ ބޮޑު އެއް ގޮންޖެހުމަކީ ޓެސްޓިން ކެޕޭސިޓީ އިތުރުކުރުމަށް ދިމާވާ ދަތިކަމުގެ މައްސަލަކަމަށާއި މެޝިނެއް ލިބޭހާ އަވަހަށް ގެންނަން ބޭނުންވާކަމަށެވެ.
މަބްރޫކް ވިދާޅުވީ، މި މަސައްކަތުގައި ހެލްތް މިނިސްޓްރީ އެސްޓީއޯ އަދި އޭގެއިތުރުން ރައީސް އޮފީހުންވެސް މަސައްކަތް ކުރަމުންދާކަމަށެވެ.
