ރާއްޖެއިން އިތުރުން 16 މީހަކު ކޮވިޑް-19 އަށް ޕޮޒިޓިވްވެއްޖެއެވެ.
ހެލްތް ޕްރޮޓެކްޝަން އެޖެންސީން ބުނީ، ޕޮޒިޓިވްވެފައިވާ މީހުންގެ ތެރޭގައި ހިމެނެނީ ނުވަ ދިވެހިންނާއި، ބަންގްލަދޭޝްގެ ހަ މީހުންގެ އިތުރުން ސްރީލަންކާގެ އެކަކު ކަމަށެވެ.
އެކަމަކު އަދި މިހާތަނަށް މި މީހުން ނިސްބަތްވަނީ ކޮން ކްލަސްޓާ އަކަށް ކަމެއް ނުވަތަ އެ މީހުންނާ ބެހޭ އިތުރު އެއްވެސް މައުލޫމާތެއް އެޗްޕީއޭއިން ހާމަކޮށްފައެއް ނުވެއެވެ. މި އަދަދާއި އެކު ރާއްޖޭގައި ކޮވިޑް-19 ޖެހުނު މީހުންގެ އަދަދު މިވަނީ 573 އަށް އަރާފައެވެ.
