ށ. ނަރުދޫއިން ކޮވިޑް-19 އަށް އިތުރު މީހަކު ޕޮޒިޓިވްވެ އެ ރަށުން ޕޮޒިޓިވްވި މީހުންގެ އަދަދު ޖުމްލަ 11 އަށް އަރައިފި އެވެ.

ނަރުދޫއިން ކޮވިޑް-19 އަށް މީހަކު ޕޮޒިޓިވްވެފައިވާކަން އިތުބާރު ހުރި ފަރާތަކުން ވަނީ ރާއްޖެ.އެމްވީ އަށް ޔަގީންކޮށްދީފައެވެ. މައުލޫމާތު ލިބިފައިވާ ގޮތުގައި ޕޮޒިޓިވްވި މީހާއަކީ ''އަމާޒު'' ބޯޓުގެ ފަޅުވެރިޔަކާއި ގުޅުންހުރި ފަރާތަކެވެ. ނަރުދޫއިން އެންމެ ފުރަތަމަ ކޮވިޑް-19 އަށް ޕޮޒިޓިވްވެފައިވަނީ ''އަމާޒު'' ބޯޓުގެ ކައްޕިއެވެ. އޭނާ ޕޮޒިޓިވްވުމާއި އެކު އެ ބޯޓުގެ އިތުރުން ނަރުދޫ ވަނީ މޮނިޓަރިންގެ ހާލަތަށް ގެންގޮސްފައެވެ. ނަރުދޫއިން 11 މީހަކު މިހާތަނަށް ޕޮޒިޓިވްވެފައިވާއިރު އޭގެ ތެރޭގައި ކައްޕިގެ އާއިލާގެ މީހުންގެވެސް ހިމެނެއެވެ.

ނަރުދޫ އަކީ މީހުން ދިރިއުޅޭ ރަށްތަކުގެ ތެރެއިން މާލެ ފިޔަވައި، ރާއްޖެއިން އެންމެ ގިނަ އަދަދަކަށް ކޮވިޑް-19 ޖެހިފައިވާ މީހުން އެންމެ ގިނަ އަދަދަކަށް ފެނިފައިވާ ރަށެވެ.