ރާއްޖެއިން ކޮވިޑް-19 އަށް އިތުރު 95 މީހަކު ޕޮޒިޓިވްވެ ރާއްޖެ އިން މި ބަލި ޖެހުނު މީހުންގެ އަދަދު 396 އަށް އަރައިފިއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ކޮށްފައިވާ ޓްވީޓެއްގައި ބުނީ، ޕޮޒިޓިވްވި މީހުންގެ ތެރޭގައި ހިމެނެނީ ބަންގްލަދޭޝްގެ 61 މީހުންނާއި، އިންޑިއާގެ 32 މީހުންގެ އިތުރުން ނޭޕާލްގެ ދެ މީހުން ކަމަށެވެ.
އެޗްޕީއޭއިން ބުނީ، މި މީހުންނަކީ ފުލުހުންގެ ސަވައިލެންސްގެ ދަށުގައި ތިބި ބިދޭސީން ދިރިއުޅޭ ގެތަކުގެ ތެރެއިން ނެގި ސާމްޕަލްތަކުގެ ތެރެއިން ޕޮޒިޓިވްވި މީހުން ކަމަށެވެ.
