ދުނިޔޭގެ އެކި ކަންކޮޅުތަކުގައި ކޮވިޑް-19 ހަލުވިކަމާއެކު ފެތެރުމެންދާއިރު ޑޮކްޓަރުންނާއި ކަމާއި ގުޅޭ އިދާރާތަކުން އިރުޝާދުތައް ދެމުންދަނީ ކޮންމެ ފަރުދަކު ވެސް ގޭގައި މަޑުކުރުމަށެވެ. ޒަރޫރީ ބޭނުމެއްގައި ނޫނީ ބޭރަށް ނުނިކުތުމަށެވެ. އަދި މި ވައިރަހުން ރައްކާތެރިވުމަށްޓަކައި ދުނިޔޭއެކި ކަންކޮޅުތަކުގެ ސްކޫލުތަކާއި ޔުނިވަރސިޓީތަކާއި ޕާކުތަކުގެ އިތުރުން އެކި ކުޅިވަރު ކުޅޭ މައިޒާންތައް ވަނީ ބަންދުކުރެވިފައެވެ. ރާއްޖޭގައި ވެސް މިކަމުގެ ސަބަބުން ގިނަ ފިޔަވަޅުތަކެއް އަޅާފައިވާއިރު ގޭގައި ތިބެން މިހާރު ގިނަ ވަގުތު ލިބުމުން ދިވެހިންގެ ފަރާތުން ތަފާތު އެކި ހުނަރުތައް ފެނިގެންދެއެވެ. ތަފާތު ކަންތައްތައްކޮށް އެއްކަންތައްތައް ސޯޝަލް މީޑިއާގައި ހިއްސާކުރަމުންދެއެވެ. އެއީ ކެއްކުންކަމުގައި ވިޔަސް، ކުރެހުމެއް ކުރަހާލުން ކަމުގައި ވިޔަސް އަދި ކޭކު އެޅުންކަމުގައި ވިޔަސް އެ ހުނަރުތައް މި ވަގުތު އަންނަނީ ދައްކާލަމުންނެވެ. އެގޮތުން މިފަހަރު ރާއްޖެއިން ފެނިގެން މިދިޔައީ ވަރަށް ތަފާތު ކަމެކެވެ.

ދުނިޔޭގެ ސަމާލުކަން ހޯދާފައިވާ "ސްޓޭޓް އެޓް ހޯމް" ޗެނެލެންޖްގައި ސަރުކާރުގެ ބައެއް އިސްވެރިން ބައިވެރިވެ. މިވަނީ ތަފާތު ދައްކާލާފައެވެ. މި ޗެލެންޖްގައި ޓޮއިލެޓް ޓިޝޫ ޕެޕަރ ރޯލްއަކުން ފުޓްބޯޅަ ކުޅޭ ތަން ފެނިގެންދެއެވެ. އަދި މި ޗެލެންޖް ފުރިހަމަ ކުރުމަށްފަހު އެމީހުން ދެ މިޗެލެންޖުގައި އެމީހަކު ބޭނުންވާ ބަޔަކު ނޮމިނޭޓްކުރެއެވެ. އެގޮތަށް މި ޗެލެންޖް ކުރިއަށްދެއެވެ.

ސަރުކާރުގެ ފަރާތުން މި ޗެލެންޖްގައި ވަރަށް ގިނަ އިސް ފަރާތްތަކެއް ވަނީ ބައިވެރިވެފައެވެ. އެގޮތުން ނައިބު ރައީސް އާއި ސަރުކާރުގެ ވަޒީރުންގެ އިތުރުން ރައްޔިތުން މަޖިލީހުގެ މެމްބަރުން ވެސް ހިމެނެއެވެ. މި ޗެލެންޖްގައި އެބޭފުޅުންގެ ފަރާތުން ތަފާތު ހުނަރެއް ފެނިގެންދިޔައިރު މިކަން ވެގެންދިޔައީ އާންމުންނަށް ވަރަށް މަޖާ ކަމަށެވެ. އަދި ބައެއް ބޭފުޅުންނަށް ތައުރީފުކޮށް ފޯސްޓުތަކަށް އާންމުން ކޮމެންޓުކޮށްފައިވެއެވެ.

ނައިބު ރައީސް ފައިސަލް ނަސީމް:

އެމަނިކުފާނު މި ޗެލެންޖް ޤަބޫލުފުޅު ކުރެއްވީ ހާރިޖީ ވަޒީރު އަބްދުﷲ ޝާހިދު، ނޮމިނޭޓް ކުރެއްވުމުންނެވެ. 10 ސިކުންތަށް އެމަނިކުފާނު ވަނީ ޓޮއިލެޓް ޓިޝޫ ފުޓްބޯޅަ ކުޅުއްވާފައެވެ. ނައިބްރައީސް ފައިސަލްއަކީ ކުޅިވަރަށް ލޯބި ކުރައްވާ އަދި އަބަދުވެސް ފިޓްކޮށް ހުންނަވާ ބޭފުޅެކެވެ. މި ޗެލެންޖާއެކު އެމަނިކުފާނު ވަނީ އެކަން ވަރަށްނ ފުރިހަމައަަށް ދައްކުވައިދީފައެވެ.

ހާރިޖީ ވަޒީރު އަބްދުﷲ ޝާހިދު:

އެމަނިކުފާނުގެ ހުނަރުތައް ވެސް މޮޅެވެ. މި ޗެލެންޖުން އެނގިގެން ދިޔައީ އުމުރުން ދުވަސްވީ ނަމަވެސް އަދި މަސްއޫލިއްޔަތުތަކާއިގެން ކިތައްމެ ބުރަކޮށް އުޅުއްވިނަމަވެސް ފޮރިން މިނިސްޓަރު ފިޓްކަމެވެ. ފޮރިން މިނިސްޓަަރު ޝާހިދު ނޮމިނޭޓް މަޖިލިސް މެންބަރު އަލީ އާޒިމެވެ.

ޓޫރިޒަމް މިނިސްޓަރު އަލީ ވަހީދު:

ޓުއަރިޒަމް މިނިސްޓަރު އަލީ ވަހީދަކީ ކޮވިޑް-19 އާއި ގުޅިގެން އެކަމުގައި އެންމެ ބުރަ މަސައްކަތް ކުރައްވަމުން ގެންދަވާ އެއް ފަރާތެވެ. ނަމަވެސް މި ބަލިމަޑުކަމުން އަރައިގަތުމަށް ކުރަމުންދަ ހުރިހަ މަސައްކަތެއްގައި އޭނާގެ ހިއްސަ އޮވެއެވެ. ގައުމީ ޓީމްގެ ކެމްޓަން އަލީ އަޝްފާގުގެ ޗެލެންޖް ގަބޫލުކުރައްވާ ފުޓްބޯޅަ ދާއިރާގައި ގިނަ ދުވަހު މަސައްކަތް ކުރެއްވި އަލީ ވަހިދު ވަނީ ޓިޝޯ ރޯލަކުން އެ ހުނަރު ދައްކާދެއްވާފައެވެ.

ޔޫތް މިނިސްޓަރު އަހްމަދު މަހްލޫފް:

ޔޫތް މިނިސްޓަރު އަހުމަދު މަހްލޫފް ވެސް ވަކި އެހެން މީހަކަށް ދޫކޮށް ނުލައްވައެވެ. ޗެލެންޖް ގަބޫލުކުރަައްވާ މަހުލޫފު ވަނީ ފުޓްބޯޅައިގެ ހުނަރުތަކާއެކު ޗެލެންޖް ފުރިހަމަ ކުރައްވާފައެވެ.

އަލީ އާޒިމް:

އަލީ އާޒިމަކީ ވެސް ފުޓްބޯޅަ ދާއިރާގައި ފުއްނާބު އުސް ފަރާތެކެވެ. ނަމަވެސް ބޯޅައިގެ ބަދަލުގައި އާޒިމް ބޭނުން ކުރެއްވީ ޓީޝޯ ރޯލެކެވެ. އައުޓްފިޓްވެސް ތަފާތެވެ. ހުންނެވީ ގަމީހަކާއި ޓައި އެއް އަޅުއްވައިގެން ސޯޓުން ތުރުކުރައްވައިގެންނެވެ.

މުހައްމަދު ވިސާމް:

ވިސާމް ޗެލެންޖް ގަބޫލުކުރެއްވީ ނައިބުރައީސްގެ ފަރާތްޕުޅުންނެވެ. ވިސާމުވެސް މިކަމުގައި ދުލެއް ނުދެއްވައެވެ. ދެއްވިހާ މެސެޖަކީ ގޭގައި މަޑުކުރެއްވުމަށެވެ.

މި ޗެލެންޖްގައި އަންހެން ވަޒީރުންނާއި ރައްޔިތުންގެ މަޖިލީހުގެ މެމްބަރުން ވެސް ވަނީ ބައިވެރިވެވަޑައިގަންނަވާފައެވެ. އެގޮތުން މި ބޭފުޅުންގެ ފަރާތުން ވެސް ތަފާތު ހުނަރުތައް ވަނީ ފެނިގެން ގޮސްފައެވެ.

ޑިފެންސް މިނިސްޓަރު މާރިޔާ އަހްމަދު ދީދީ:

މާރިޔާ އަކީ އަބަދުވެސް ތަފާތު ދައްކަވާ ކަނބަލެކެވެ. މިފަަހަރުވެސް ފިރިހެން ބޭފުޅަކަށް ދުލެއް ނުދެއްވާ މާރިޔާ ވަނީ ޗެލެންޖް ފުރިހަމަ ކުރައްވާފައެވެ.

ރޮޒެއިނާ:

ރޮޒައިނާވެސް ޗެލެންޖް ފުރިހަމަ ކުރެއްވިއެވެ. ނަމަވެސް އެހެން މީހުންނާ ތަފާތުކޮށެވެ. ފައިން ޓިޝޫ ރޯލު ކުޅުއްވަމުން ގޮސް އަތުން ވެސް ކުޅުއްވީއެވެ. ނަމަވެސް ތަފާތު ގޮތަކަށް ޗެލެންޖް ފުރިހަމަ ކުރެއްވިއެވެ.

މި ބޭފުޅުން ދޭ ނަސޭހަތަކީ ގޭގައި މަޑުކުރައްވާށެވެ. މިހާރު އޮތް ބަލިމަޑުކަމުން ސަލާމަތްވުމަށް ހުރިހަ އެއްމެންވެސް އެއްބާރުލުން ދިނުމަށެވެ.