އައްޑޫ އިކުއިޓޯރިއަލް ހޮސްޕިޓަލުގައި އެމްއާރްއައި މެޝިން ބަހައްޓައިފިއެވެ.
ރާއްޖެ އެމްވީއަށް މައުލޫމާތު ދެއްވަމުން އައްޑޫ ހޮސްޕިޓަލްގެ މީޑިއާ އޮފިޝަލް ސާފީ މުހައްމަދު ހުސައިން ވިދާޅުވީ އެ ހޮސްޕިޓަލްގައި އެމްއާރުއައި މެޝިން ބެހެއްޓުމުގެ މަސައްކަތް ނިމިފައިވާ ކަމަށާއި މިހާރު ކުރިއަށް ދަނީ މެޝިން ބޭނުންކުރަންފެށުމުގެ ކުރިން އިތުރަށް ބަލަންޖެހޭ ކަންކަން ބެލުމުގެ މަސައްކަތް ކަމަށެވެ.
މި ފެށޭ މާރޗް މަހުގެ ކުރީކޮޅު މެޝިންގެ ޚިދުމަތް ދޭން ފެށޭނެ ކަމަށް އޭނާ ވިދާޅުވިއެވެ.
އިކުއެޓޯރިއަލް ހޮސްޕިޓަލްގައި އެމްއާރުއައި ޚިދުމަތްދޭން ފެށުމުން އެ ހޮސްޕިޓަލް ވެގެން ދާނީ މާލޭ ސަރަހައްދުން ބޭރުގައި އެމްއާރްއައިގެ ޙިދުމަތް ދެވޭ ފުރަތަމަ ހޮސްޕިޓަލަށެވެ.
އެމްއާރްއައި ޙިދުމަތުގެ އިތުރުން އެ ހޮސްޕިޓަލުން ވަނީ ކޮންޓްރާސްޓް ސީޓީ ސްކޭންއާއި ސީޓީ ސްކޭންގެ ޙިދުމަތް ވެސް މިދިޔަ ހަފްތާ ތެރޭގައި ފަށާފައެވެ.
