މިއަހަރު ގްރޭޑް 10 ގައި ކިޔަވާ ކުދިންނަށް ތައްޔާރުވުމަށް ވަގުތު ނުލިބި ޤުރުއާން މާއްދާއިން އެސް.އެސް.ސީ އިމްތިހާން ދިނުމާ މެދު ބެލެނިވެރިންގެ ކަންބޮޑުވުންތައް ބަޔާންކޮށް ހަދާފައިވާ ޕެޓިޝަނެއް ރައްޔިތުންގެ މަޖިލީހަށް ހުށަހަޅައިފި އެވެ.

މިޕެޓިޝަންގައި ސޮއިކުރައްވާފައިވަނީ މަކުނުދޫ ދާއިރާގެ މެންބަރ މުޙައްމަދު ރާއީ އެވެ. މިޕެޓިޝަންގެ ތަފުސީލު މަޖިލީހުގެ ޖަލްސާގައި ދެއްވަމުން މަޖިލީހުގެ ރައީސް، ރައީސް މުޙައްމަދު ނަޝީދު ވިދާޅުވީ، މި ޕެޓިޝަންގައި ހެނބަދޫ ސްކޫލުން 33 ބެލެނި ވެރިޔަކާއި، ކަލާފާނު ސްކޫލުން 64 ބެލެނިވެރިޔަކާއި، މަޖީދިއްޔާ ސްކޫލުން 7 ބެލެނިވެރިޔަކާއި، އަޙްމަދިއްޔާ ސްކޫލުން 15 ބެލެނިވެރިޔަކާއި، ޖަމާލުއްދީން ސްކޫލުން 9 ބެލެނިވެރިޔަކާއި، ބިލަބޮންގ އިންޓަނޭޝަނަލް ސްކޫލުން 53 ބެލެނިވެރިޔަކާއި، އަމީނިއްޔާ ސްކޫލުން 25 ބެލެނިވެރިޔަކާއި، ތާޖުއްދީން ސްކޫލުން 2 ބެލެނިވެރިން ސޮއިކޮށްފައިވާ ކަމަށެވެ.

އަދި އިސްކަންދަރު ސްކޫލުން 20 ބެލެނިވެރިން، ރެހެންދި ސްކޫލުން 11 ބެލެނިވެރިން، ހުރަވީ ސްކޫލުން 47 ބެލެނިވެރިން، ބްރައިޓްވޭ ސްކޫލުން 14 ބެލެނި ވެރިން، ޣާޒީ ސްކޫލުން 18 ،ހަނިމާދޫ ސްކޫލުން 1 ބެލެނިވެރިޔަކު، ޣިޔާޡުއްދީނުން 3 ބެލެނިވެރިން، ބްރިޖު ލަރނިންގުން އެއް ބެލެނިވެރިޔަކު، އަދި ވިލާއިން 01 ބެލެނިވެރިޔަކާ އެކުގައި މުޅި ޖުމުލަ 400 ބެލެނިވެރިން މި ޕެޓިޝަންގައި ސޮއިކޮށްފައިވާކަމަށް ރައީސް ނަޝީދު ވިދާޅުވިއެވެ.

މި ޕެޓިޝަންގައި ޚާއްޞަ ގޮތެއްގައި ފާހަގަކުރަނީ ތިން ކަމެއްކަމަށް ރައީސް ނަޝީދު ވިދާޅުވި އެވެ.

މީގެއިތުރުން ޤުރުއާނަކީ މުސްލިމުން އެންމެ ބޮޑަށް އިހުތިރާމުކުރަންޖެހޭ މުސްލިމުންގެ ދުސްތޫރަށް ވީހިނދު، ދަރިވަރުން ލައްވާ ކުއްލި ގޮތަކަށް މި އިމްތިހާން ހައްދާންޖެހުމުން ޤުރުއާނަށް އޮންނަ ލޯބި ކުޑަވެގެންދާނެކަމުގެ ބިރު އެ ބެލެނިވެރިންނަށް ހީވެފައިވާކަމަށް ރައީސް ނަޝީދު ވިދާޅުވި އެވެ.

މިކަންބޮޑުވުންތަކާއެކު މި ޕެޓިޝަން ޕެޓިޝަން ކޮމިޓީއަށް ފޮނުވާކަމަށްވެސް މަޖިލީހުގެ ރައީސް ވިދާޅުވި އެވެ.